കൊച്ചി : രണ്ട് ദിവസത്തെ സന്ദര്‍ശനത്തിനായി പ്രധാനമന്ത്രി നരേന്ദ്രമോദി കൊച്ചിയിലെത്തി. ഗവര്‍ണര്‍ ആരിഫ് മൊഹമ്മദ് ഖാന്‍, മുഖ്യമന്ത്രി പിണറായി വിജയന്‍, കേന്ദ്ര സഹമന്ത്രി വി മുരളീധരന്‍, പ്രകാശ് ജാവദേകര്‍ ,ചീഫ് സെക്രട്ടറി വേണു തുടങ്ങിയവര്‍ ചേര്‍ന്ന് സ്വീകരിച്ചു.
പ്രത്യേക ഹെലികോപ്റ്ററില്‍ നാവിക സേന ആസ്ഥാനത്തെത്തി.റോഡ് മാര്‍ഗം ഉടന്‍ എറണാകുളം കെ പി സി സി ജംഗഷനിലെത്തും. തുടര്‍ന്ന് റോഡ് ഷോ ആരംഭിക്കും. വന്‍ ജനക്കൂട്ടമാണ് റോഡ് ഷോയ്‌ക്കായി എത്തിയിട്ടുളളത്.
ഒന്നേകാല്‍ കിലോമീറ്ററാണ് റോഡ് ഷോ. തുടര്‍ന്ന് എറണാകുളം ഗസ്റ്റ് ഹൗസിലാണ് പ്രധാനമന്ത്രി രാത്രി തങ്ങുക. ബുധനാഴ്ച സുരേഷ് ഗോപിയുടെ മകളുടെ വിവാഹത്തില്‍ സംബന്ധിക്കാന്‍ ഗുരുവായൂരിലെത്തും. തൃശൂര്‍ തൃപ്രയാര്‍ ക്ഷേത്ര ദര്‍ശനം നടത്തും.
ബുധനാഴ്ച കൊച്ചിയില്‍ 4000 കോടി രൂപയുടെ വിവിധ പദ്ധതികളും നാടിന് പ്രധാനമന്ത്രി നാടിന് സമര്‍പ്പിക്കും.
പ്രതികരിക്കാൻ ഇവിടെ എഴുതുക: