തൃശൂര്‍: നടനും ബി ജെ പി നേതാവുമായ സുരേഷ് ഗോപിയുടെ മകള്‍ ഭാഗ്യ സുരേഷിന്റെ വിവാഹം ഏറെ ശ്രദ്ധ നേടി കഴിഞ്ഞു. ബുധനാഴ്ച നടക്കുന്ന വിവാഹത്തില്‍ പ്രധാനമന്ത്രി നരേന്ദ്രമോദി പങ്കെടുക്കുന്നതാണ് ഏറെ ശ്രദ്ധേയം.
വിവാഹവുമായി ബന്ധപ്പെട്ട ഓരോ ചെറിയ കാര്യങ്ങളും സാമൂഹ്യ മാധ്യമങ്ങളില്‍ പ്രചരിക്കുന്നുണ്ട്. ഏതായാലും മകളുടെ വിവാഹത്തിനായി സുരേഷ് ഗോപി 300 മുഴം മുല്ലപ്പൂവിന് ഓര്‍ഡര്‍ നല്‍കിയ വിവരം നേരത്തേ പുറത്തുവന്നിരുന്നു. എന്നാല്‍ 500 മുഴം നല്‍കുമെന്നാണ് പൂക്കച്ചവടക്കാരായ ദമ്പതികള്‍ ധന്യയും സനീഷും അറിയിച്ചിരിക്കുന്നത്.
കൈക്കുഞ്ഞുമായി ഗുരുവായൂര്‍ ക്ഷേത്രത്തിന്റെ കിഴക്കേ നടയില്‍ മുല്ലപ്പു വില്‍ക്കുന്ന ധന്യയുടെ വീഡിയോ നേരത്തെ നവമാധ്യമങ്ങളില്‍ വൈറലായിരുന്നു.
വിവാഹത്തില്‍ പങ്കെടുക്കാനെത്തുന്ന പ്രധാനമന്ത്രിക്ക് സുരേഷ് ഗോപി സ്വര്‍ണ തളിക സമ്മാനിക്കും. കഴിഞ്ഞ ദിവസം തൃശൂര്‍ ലൂര്‍ദ് പളളിയില്‍ മാതാവിന് സുരേഷ് ഗോപിയും മകള്‍ ഭാഗ്യയും ചേര്‍ന്ന് സ്വര്‍ണ കിരീടം സമര്‍പ്പിച്ചിരുന്നു.
പ്രതികരിക്കാൻ ഇവിടെ എഴുതുക: