തിരുവനന്തപുരം : ഗായിക കെ.എസ്. ചിത്രയ്‌ക്കെതിരെ നടക്കുന്ന സൈബര്‍ ആക്രമണങ്ങള്‍ കേരള പോലീസ് കാണുന്നില്ലേയെന്ന് രൂക്ഷ വിമര്‍ശനവുമായി കേന്ദ്രമന്ത്രി വി. മുരളീധരന്‍. ശബരിമലയില്‍ ആചാര ലംഘനത്തിന് കൂട്ടുനിന്നവര്‍ തന്നെയാണ് ഗായികയ്‌ക്കെതിരെ രംഗത്ത് വന്നിരിക്കുന്നതെന്നും കേന്ദ്രമന്ത്രി പറഞ്ഞു.
രാമനാമം ജപിക്കണം, വിളക്കുകൊളുത്തണം എന്ന് പറഞ്ഞതിനാണ് അനുഗ്രഹിത ഗായികയ്‌ക്ക് നേരെ ഇത്തരത്തില്‍ സൈബര്‍ ആക്രമണങ്ങള്‍ ഉണ്ടായിരിക്കുന്നത്. കേരള പോലീസ് കാണുന്നില്ലേ ഈ സൈബര്‍ ആക്രമണങ്ങളെന്നും വിമര്‍ശിച്ചു. അയോധ്യയില്‍ 500 വര്‍ഷത്തോളം ഹിന്ദുക്കള്‍ കാത്തിരുന്നതിന്റെ ഫലമായാണ് ക്ഷേത്രം ഉയരുന്നത്്. അതിന്റെ പേരില്‍ ഹിന്ദു വിശ്വാസിരളെ അധിക്ഷേപിക്കാന്‍ ആസൂത്രിതമായ നീക്കമാണ് ഇപ്പോള്‍ നടക്കുന്നത്.
റംസാന്‍ പുണ്യത്തെ കുറിച്ച് ആര്‍ക്കും പറയാം. ക്രിസ്മസ് കാലത്ത് കേക്ക് മുറിച്ച് ആഘോഷിക്കാം. ഹൈന്ദവര്‍ക്ക് മാത്രം വിശ്വാസത്തെ കുറിച്ച് പറയാനാവില്ല എന്നതാണ് ഇപ്പോഴത്തെ സ്ഥിതിയെന്നും കേന്ദ്രമന്ത്രി കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: