മുംബൈ; ശിവസേന നേതാവ് ഉദ്ധവ് താക്കറെയുടെ വീട് തകര്ക്കാന് ചിലര് ഗൂഢാലോചന നടത്തിയെന്ന രഹസ്യ വിവരത്തെ തുടര്ന്ന് ശിവസേന കുടുംബത്തിന്റെ ഔദ്യോഗിക വസതിയായ മാതോശ്രീയ്ക്ക് മുന്പില് പൊലീസ് കാവല് ശക്തിപ്പെടുത്തി.
മഹാരാഷ്ട്ര പൊലീസ് ആസ്ഥാനത്തേക്കാണ് ഉദ്ധവ് താക്കറെയുടെ വസതിക്ക് ഭീഷണിയുള്ള വിവരം അറിയിച്ചുകൊണ്ട് ഒരാള് ഫോണ് വിളിച്ചത്. അയാള് മുംബൈ-ഗുജറാത്ത് ട്രെയിനില് യാത്ര ചെയ്യുമ്പോള് അഞ്ചു പേര് ഉദ്ധവ് താക്കറെയുടെ വീട് തകര്ക്കാനുള്ള പദ്ധതിയെക്കുറിച്ച് കേട്ടതായി അറിയിക്കുകയായിരുന്നു. ഈ അഞ്ചു പേര് ഉര്ദ്ദുഭാഷയിലാണ് സംസാരിച്ചിരുന്നതെന്ന് പറയുന്നു.
എന്തായാലും ഭീഷണി സന്ദേശം ലഭിച്ചയുടന് പൊലീസ് സുരക്ഷ ശക്തമാക്കിയിട്ടുണ്ട്. ഫോണ് വിളിച്ചു ഭീഷണിയുടെ കാര്യം അറിയിച്ചയാളെ കണ്ടെത്താന് പൊലീസ് ശ്രമിച്ചെങ്കിലും ഫോണ് സ്വിച്ചോഫായിരുന്നു.
