ലണ്ടന്‍: ന്യൂകാസിലിനെ തോല്‍പ്പിച്ച് മാഞ്ചസ്റ്റര്‍ സിറ്റി പ്രീമിയര്‍ ലീഗ് ഫുട്‌ബോള്‍ പട്ടികയില്‍ രണ്ടാം സ്ഥാനത്തേക്ക് കുതിച്ചു. ഇന്നലെ നടന്ന മത്സരത്തില്‍ ആസ്റ്റണ്‍ വില്ല എവര്‍ട്ടണിനോട് ഗോള്‍ രഹിത സമനിലയില്‍ പിരിഞ്ഞതോടെ സിറ്റിയുടെ രണ്ടാം സ്ഥാനത്തിന് ഇളക്കം തട്ടിയില്ല.
ന്യൂകാസിലിനെതിരായ വിജയത്തോടെ സിറ്റിക്ക് 43 പോയിന്റായി. സമനിലയില്‍ കുരുങ്ങിയ ആസ്റ്റണ്‍ വില്ലയ്‌ക്കും 43 പോയിന്റാണെങ്കിലും ഗോള്‍ വ്യത്യാസത്തില്‍ സിറ്റിക്ക് താഴെയാണെത്തിനില്‍ക്കുന്നത്. 45 പോയിന്റുമായി ലിവര്‍ പൂള്‍ ആണ് പട്ടികയില്‍ മുന്നില്‍.
ന്യൂകാസിലിനെതിരായ കളിയില്‍ ആദ്യ പകുതിയില്‍ പിന്നിലായ ശേഷമായിരുന്നു സിറ്റി രണ്ട് ഗോളുകള്‍ തിരിച്ചടിച്ച് വിജയിച്ചത്. 26-ാം മിനിറ്റില്‍ സിറ്റിക്ക് വേണ്ടി ബെര്‍ണാണ്ടോ സില്‍വ ഗോളടിച്ചു. 35-ാം മിനിറ്റില്‍ അലക്‌സാണ്ടര്‍ ഇസാക്കിലൂടെ ന്യൂകാസില്‍ തിരിച്ചടിച്ചു. രണ്ട് മിനിറ്റിനകം ആന്തണി ഗോര്‍ഡനിലൂടെ അവര്‍ ലീഡ് കണ്ടെത്തി.
കളിക്ക് 74 മിനിറ്റെത്തിയപ്പോള്‍ സൂപ്പര്‍ താരം കെവിന്‍ ഡിബ്രൂയിനെ നേടിയ ഗോളില്‍ സിറ്റി ഒപ്പമെത്തി. ഇന്‍ജുറി ടൈമില്‍ ഓസ്‌കാര്‍ ബോബ് വിജയഗോളും നേടി.
ഫുള്‍ഹാമിനെതിരെ വമ്പന്‍ ടീം ചെല്‍സി ജയിച്ചതാണ് പ്രീ
മിയര്‍ ലീഗിലെ മറ്റൊരു സംഭവം. സീസണില്‍ ടീമിന്റെ ഒമ്പതാം വിജയമാണിത്.
പ്രതികരിക്കാൻ ഇവിടെ എഴുതുക: