എറണാകുളം: ഒരു വര്ഷം മുമ്പ് നടന്ന അമ്പലമേട് പൊലീസ് സ്റ്റേഷനിലെ പൊലീസ് മര്ദനത്തിന്റെ സിസിടിവി ദൃശ്യങ്ങള് പുറത്ത്. എസ്ഐ പി പി റെജി സ്റ്റേഷനില് പ്രതിയെ കുനിച്ചു നിര്ത്തി മര്ദിക്കുന്ന ദൃശ്യങ്ങളാണ് പുറത്തുവന്നത്.
എന്നാല് എസ് ഐയോടുളള വ്യക്തി വൈരാഗ്യം കാരണം സ്റ്റേഷനിലെ ചില ഉദ്യോഗസ്ഥരാണ് സിസിടിവി ദൃശ്യങ്ങള് പുറത്തു വിട്ടതെന്നാണ് അറിയുന്നത്.
അമ്പലമേട് പൊലീസ് സ്റ്റേഷനില് 2023 ജനുവരിയില് നടന്ന മര്ദനത്തിന്റെ ദൃശ്യങ്ങളാണ് പുറത്തുവന്നത്.ഭാര്യയേയും മക്കളേയും മര്ദിക്കുന്നെന്ന പരാതിയെ തുടര്ന്ന് കസ്റ്റഡിയിലെടുത്ത പ്രതിയെ എസ് ഐ മര്ദ്ദിക്കുന്ന ദൃശ്യങ്ങളാണ് പുറത്തുവന്നത്.പൊലീസ് സ്റ്റേഷനിലെ സിസിടിവി ദൃശ്യങ്ങളാണ് പുറത്തുവന്നത്.
സിസിടിവി ദൃശ്യങ്ങള് ഹാര്ഡ് ഡിസ്കില് ആറ് മാസം വരെയാണ് സൂക്ഷിക്കാറുള്ളത്. എന്നാല് ഒരു വര്ഷത്തിനു ശേഷം ദൃശ്യങ്ങള് പുറത്ത് വന്നതിന് പിന്നില് എസ് ഐയോട് വ്യക്തിവൈരാഗ്യമുള്ള സ്റ്റേഷനിലെ ഉദ്യോഗസ്ഥര് ദൃശ്യങ്ങള് മൊബൈലില് പകര്ത്തി സൂക്ഷിച്ചതിനാലാണെന്നാണ് പ്രാഥമിക അന്വേഷണത്തില് കണ്ടെത്തിയത്. പി പി റെജി കമ്മീഷണര്ക്ക് പരാതി നല്കിയതോടെ ദൃശ്യങ്ങള് ചോര്ന്നതില് അന്വേഷണം നടത്തും.
അമ്പലമേട് പൊലീസ് സ്റ്റേഷനിലെ ചില ഉദ്യോഗസ്ഥര്ക്ക് മണ്ണ് മാഫിയയുമായുള്ള ബന്ധം സംബന്ധിച്ച വിവരങ്ങള് പിപി റെജി വിജിലന്സിനു കൈമാറിയതിലുള്ള വൈരാഗ്യമാണ് എസ്ഐയെ കുരുക്കാനുളള നീക്കത്തിന് പിന്നിലെന്നാണ് വിവരം
