തൃശൂര്‍ : കേരളത്തിലെത്തുന്ന പ്രധാനമന്ത്രി നരേന്ദ്രമോദി തൃപ്രയാര്‍ ക്ഷേത്രത്തിലും ദര്‍ശനം നടത്തിയേക്കും. ക്ഷേത്രത്തിലും പരിസരത്തും പോലീസ് പരിശേധന നടത്തി. ദ്വിദിന സന്ദര്‍ശനത്തിന് എത്തുന്ന പ്രധാനമന്ത്രി ഗുരുവായൂരില്‍ സുരേഷ് ഗോപിയുടെ മകളുടെ വിവാഹത്തിലും പങ്കെടുക്കും.
17ന് ബുധനാഴ്ച രാവിലെ ഗുരുവായൂരിലെത്തുന്ന അദ്ദേഹം ദര്‍ശനത്തിന് ശേഷം സുരേഷ് ഗോപിയുടെ മകളുടെ വിവാഹ ചടങ്ങില്‍ പങ്കെടുക്കും. ഇതിന് ശേഷമാകും തൃപ്രയാര്‍ ശ്രീരാമ ക്ഷേത്രത്തില്‍ ദര്‍ശനം നടത്തുകയെന്നാണ് സൂചന. ബൂധനാഴ് രാവിലെ 7.15ഓടെ പ്രധാനമന്ത്രി കൊച്ചിയിലെത്തും. സുരേഷ്‌ഗോപിയുടെ മകളുടെ വിവാഹത്തില്‍ പങ്കെടുക്കുന്നതിനൊപ്പം മറ്റൊരു സമൂഹ വിവാഹത്തിലും മോദി പങ്കെടുത്തേക്കുമെന്നാണ് ലഭിക്കുന്ന വിവരം.
കൊച്ചിയില്‍ പ്രധാനമന്ത്രിയുടെ റോഡ് ഷോയും സംഘടിപ്പിച്ചിട്ടുണ്ട്. കൊച്ചിന്‍ ഷിപ്‌യാര്‍ഡില്‍ ഇന്റര്‍നാഷണല്‍ ഷിപ്പ് റിപ്പയര്‍ പെസിലിറ്റിയുടേയും ഡ്രൈ ഡോക്കിന്റെയും ഉദ്ഘാടനവും, എറണാകുളം മറൈന്‍ ഡ്രൈവില്‍ സംസ്ഥാന ബിജെപി ബൂത്ത് തല സംഘടനാ ശാക്തീകരണ സമിതിയായ ശക്തികേന്ദ്ര ചുമതലക്കാരുടെ സമ്മേളനത്തേയും പ്രധാനമന്ത്രിഅഭിസംബോധന ചെയ്ത് സംസാരിക്കും. 8.45 ഓടെ മടങ്ങിപ്പോകുന്ന വിധത്തിലാണ് നിലവില്‍ സന്ദര്‍ശനം നിശ്ചയിച്ചിരിക്കുന്നത്.
പ്രതികരിക്കാൻ ഇവിടെ എഴുതുക: