കോയമ്പത്തൂര് : ജയില് ചാടിയ പോക്്സോ കേസ് പ്രതിയെ പിന്തുടര്ന്ന് പിടിച്ച് പോലീസ്. ഓവേലി മുല്ലൈനഗറിലെ വിജയരത്നം സുബ്രഹ്മണ്യന് (27) ആണ് ജയില് ചാടിയത്. ആറ് വയസ്സുകാരിയെ പീഡിപ്പിച്ചതിന് സെന്ട്രല് ജയിലില് ശിക്ഷ അനുഭവിക്കവേ ചൊവ്വാഴ്ചയാണ് ഇയാള് ജയില് ചാടിയത്.
ജയിലില് ജോലി ചെയ്യുന്നതിനിടെ ഇയാള് പോലീസിന്റെ കണ്ണുവെട്ടിച്ച് ഓടുകയായിരുന്നു. ഓവേലിയിലെത്തിയ ഇയാളെ വെള്ളിയാഴ്ച രാത്രി വീടിനുസമീപത്തെ വനപ്രദേശത്തുനിന്നാണ് ഇയാളെ പിടികൂടിയത്. പോലീസിനെ കണ്ട് ഓടിരക്ഷപ്പെടാന് ശ്രമിച്ച പ്രതിയെ സാഹസികമായാണ് പിടികൂടിയത്. ഓടിരക്ഷപ്പെടാന് ശ്രമിക്കുന്നതിടെ വീണ് പ്രതിയുടെ കാലൊടിഞ്ഞു.
പിടികൂടുന്നതിനിടെ പ്രതിയുടെ ആക്രമണത്തില് പോലീസുകാരനും പരിക്കുണ്ട്. സിവില് പോലീസ് ഓഫീസര് മുത്തുമുരുകന്റെ കൈക്കാണ് പരിക്കേറ്റത്. ആറുവയസ്സുകാരിയെ പീഡനത്തിനിരയാക്കിയ കേസില് 2017-ലാണ് ഇയാള് ശിക്ഷിക്കപ്പെട്ടത്.
