കൊച്ചി : മുന്മന്ത്രിയും മുതിര്ന്ന കോണ്ഗ്രസ് നേതാവുമായ ടി.എച്ച് മുസ്തഫ(84) അന്തരിച്ചു. കൊച്ചിയിലെ സ്വകാര്യ ആശുപത്രിയില് ചികിത്സയിലിരിക്കേ ഞായറാഴ്ച പുലര്ച്ചെ 5.40 ഓടെയാണ് അന്ത്യം. രാത്രി എട്ടു മണിക്ക് മാറമ്പള്ളി ജമാഅത്ത് കബര്സ്ഥാനിലാണ് കബറടക്കം.
കെ. കരുണാകരന് മന്ത്രിസഭയില് ഭക്ഷ്യ- പൊതുവിതരണ വകുപ്പ് മന്ത്രിയായിരുന്നു. യൂത്ത് കോണ്ഗ്രസ് ്ഴിയാണ് മുസ്തഫ രാഷ്ട്രീയത്തിലേക്ക് എത്തുന്നത്. പിന്നിട് യൂത്ത് കോണ്ഗ്രസ് മണ്ഡലം പ്രസിഡന്റ്, ബ്ലോക്ക് പ്രസിഡന്റ്, ജില്ലാ സെക്രട്ടറി എന്നീ സ്ഥാനങ്ങള് വഹിച്ചിട്ടുണ്ട്. 14 വര്ഷം എറണാകുളം ഡിസിസി പ്രസിഡന്റായിരുന്നു.
1977ല് ആലുവയില്നിന്നാണ് ടി.എച്ച്. മുസ്തഫ നിയമസഭയിലേക്കെത്തുന്നത്. പിന്നീട് 1982, 1987, 1991, 2001 വര്ഷങ്ങളില് കുന്നത്തുനാട് മണ്ഡലത്തെ പ്രതിനിധീകരിച്ചു. 199195 കെ. കരുണാകരന് മന്ത്രിസഭയിലെ ഭക്ഷ്യ-പൊതുവിതരണ വകുപ്പ് മന്ത്രിയായിരുന്നു.
