മുംബൈ : മുതിര്ന്ന കോണ്ഗ്രസ് നേതാവും മുന് കേന്ദ്രമന്ത്രിയുമായ മിലിന്ദ് ദേവ്റ പാര്ട്ടിയില്നിന്നു രാജിവെച്ചു. ഞായറാഴ്ച രാവിലെ എക്സിലൂടെയാണ് ദേവ്റ രാജി പ്രഖ്യാപനം നടത്തിയത്. 55 വര്ഷത്തെ കോണ്ഗ്രസ് ബന്ധം അവസാനിപ്പിക്കുന്നുവെന്ന് അദ്ദേഹം സമൂഹമാധ്യമങ്ങളിലൂടെ അറിയിച്ചു. യുപിഎ സര്ക്കാരില് കേന്ദ്രമന്ത്രിയായിരുന്നു മിലിന്ദ്.
മുന് കേന്ദ്രമന്ത്രി, അന്തരിച്ച മുരളി ദേവ്റയുടെ മകനാണ് മിലിന്ദ്. ഷിന്ഡേയ്ക്കൊപ്പം നീങ്ങിയേക്കുമെന്ന് സൂചന. ഉദ്ധവ് പക്ഷത്തെ അരവിന്ദ് സാവന്താണ് സൗത്ത് മുംബൈ മണ്ഡലത്തില് നിന്നുള്ള സിറ്റിങ് എംപി.
മിലിന്ദിനെക്കാള് വിജയസാധ്യത തൊഴിലാളി യൂണിയന് നേതാവും വോട്ടര്മാരുമായി കൂടുതല് അടുപ്പം സൂക്ഷിക്കുന്ന സിറ്റിങ് എംപിയുമായ അരവിന്ദ് സാവന്തിനാണെന്ന് ഉദ്ധവ് പക്ഷം കരുതുന്നു. സീറ്റിനുമേല് ഉദ്ധവ് പക്ഷനേതാക്കള് ആവര്ത്തിച്ച് അവകാശവാദം ഉന്നയിക്കുന്നതില് മിലിന്ദ് അസന്തുഷ്ടനാണെന്നാണ് റിപ്പോര്ട്ട്.
