കൊല്‍ക്കത്ത: എന്താ ബിജെപി വീടുകെട്ടിക്കൊടുക്കാന്‍ മാത്രം ദാരിദ്ര്യരേഖയ്ക്ക് താഴെ ജീവിക്കുന്ന വ്യക്തിയാണോ ശ്രീരാമനെന്ന വിഡ്ഡിത്തം വിളമ്പി തൃണമൂല്‍ എംപി ശതാബ്ദി റോയ്. ജനവരി 22ന് അയോധ്യ രാമക്ഷേത്രത്തില്‍ പ്രാണപ്രതിഷ്ഠ നടക്കുന്ന പശ്ചാത്തലത്തിലായിരുന്നു ബിജെപിയെയും ശ്രീരാമനെയും വിമര്‍ശിച്ച് തൃണമൂല്‍ എംപി രംഗത്തെത്തിയത്.
അയോധ്യയില്‍ രാമക്ഷേത്രം പണിയുന്നത് അനാവശ്യമാണെന്ന് പറയാനാണ് ശതാബ്ദി റോയ് ഒരു പൊതുപരിപാടിയില്‍ ശ്രമിച്ചത്. രാമന് ബിജെപി വീടുണ്ടാക്കികൊടുക്കാന്‍ പോവുകയാണെന്ന് കേട്ടു. അങ്ങിനെയെങ്കില്‍ രാമന്റെ മക്കളായ ലവനും കുശനും കൂടി ബിപിഎല്‍ (ദാരിദ്ര്യയ്‌ക്ക് രേഖയ്‌ക്ക് താഴെ) വിഭാഗത്തില്‍പ്പെടുത്തി വീടുകൊട്ടിക്കൊടുക്കട്ടെ.- ശതാബ്ദി റോയ് പരിഹസിച്ചു.
ശതാബ്ദി റോയിയുടെ ഈ പ്രസംഗത്തിന്റെ വീഡിയോ ഇപ്പോള്‍ വൈറലാണ്. ഇവരുടെ പ്രസംഗം കേട്ട് ശ്രോതാക്കള്‍ ഉറക്കെ കയ്യടിക്കുകയും പൊട്ടിച്ചിരിക്കുന്നതും കേള്‍ക്കാം.
പ്രതികരിക്കാൻ ഇവിടെ എഴുതുക: