മോഹന്ലാലിന്റെ സിനിമകളെ ഇപ്പോള് ആരാധകര് വിലയിരുത്തുന്നതുപോലും മോഹന്ലാല് ഒടിയന് മുമ്പും ശേഷവും എന്നാണ്. എന്നാല് ഇപ്പോഴിതാ മോഹന്ലാലും ശ്രീകുമാറും വീണ്ടും ഒരുമിക്കുകയാണ് എന്ന വാർത്തയാണ് പുറത്തുവന്നിരിക്കുന്നത്. വിഎ ശ്രീകുമാര് പങ്കുവച്ച പോസ്റ്റാണ് ഈ സൂചന നല്കിയത്. മോഹന്ലാലിനൊപ്പമുള്ള ഫോട്ടോ പങ്കുവച്ചു കൊണ്ട്, പ്രിയപ്പെട്ട ലാലേട്ടനൊപ്പമുള്ള എന്റെ അടുത്ത ഫിലിം എന്നാണ് ശ്രീകുമാര് കുറിച്ചിരിക്കുന്നത്. അതേസമയം സിനിമയാണോ അതോ പരസ്യ ചിത്രമാണോ എന്ന കാര്യത്തിൽ വ്യക്തത വന്നിട്ടില്ല.
മോഹന്ലാലിനെ നായകനാക്കി വിഎ ശ്രീകുമാര് സംവിധാനം ചെയ്ത ചിത്രമാണ് ‘ഒടിയന്’ . എന്നാൽ ഏറെ ഹൈപ്പിൽ എത്തിയ ഒടിയന് പക്ഷെ പ്രതീക്ഷ കാക്കാൻ സാധിച്ചില്ല. വാനോളം പ്രതീക്ഷയോടെ വന്ന ചിത്രം പക്ഷെ ബോക്സ് ഓഫീസില് കനത്ത പരാജയമാണ് നേരിട്ടത്. സംവിധായകന് വിഎ ശ്രീകുമാര് റിലീസിന് മുമ്പ് പറഞ്ഞ വാക്കുകളാണ് സിനിമയുടെ ഹൈപ്പ് കൂട്ടിയതും തുടര്ന്ന് പരാജയത്തിനും കാരണമായതെന്നുമാണ് പ്രേക്ഷകരുടെ അഭിപ്രായം. ഈ ചിത്രത്തിന് വേണ്ടി മോഹന്ലാല് ബൊട്ടോക്സ് ട്രീറ്റ്മെന്റ് ചെയ്തിരുന്നു. എന്നാൽ ചിത്രം പരാജയപ്പെടുക മാത്രമല്ല ഒടിയന് ശേഷം മോഹന്ലാലിന്റെ മുഖമാകെ മാറിപ്പോവുകയും ചെയ്തുവെന്നാണ് ആരാധകര് പറയുന്നത്.
എന്നാല് ശ്രീകുമാറിന്റെ പോസ്റ്റ് വന്നതിനുപിന്നാലെ നിമിഷങ്ങള്ക്കകം നിരവധി പേരാണ് കമന്റുകളുമായി എത്തിയിരിക്കുന്നത്. ശ്രീകുമാറിന് പിന്തുണ അറിയിക്കുന്നവര് മാത്രമല്ല, മോഹന്ലാലിനോട് സൂക്ഷിക്കാന് പറയുന്നവരും കമന്റുകളിലുണ്ട്. നിരവധി പേരാണ് ഒടിയന് പോലെ ആകരുതെന്ന് പറയുന്നത്. എന്തായാലും പ്രോജെക്ട് ( സിനിമ ആണെങ്കില് ) ഉറപ്പായ നിലക്ക് ഒരു അപേക്ഷ ഉണ്ട് ഒടിയന് പോലെ തള്ളരുത്. ഒടിയന് മോശം ആയിട്ടല്ല പക്ഷെ നിങ്ങള് തള്ളിയത് ന്റെ പകുതി പോലും ഓടിയനില് ഇല്ലായിരുന്നു എന്നതാണ് വാസ്തവം എന്തായാലും നിങ്ങളെ വിമര്ശിച്ച എന്നെ പോലെ ഉള്ള ലാല് ഫാന്സിനു മറുപടി നല്കുന്ന സിനിമ ആകണം മറ്റൊന്നും പറയാനില്ലപിന്നെ ഇത് പരസ്യം ആണെങ്കില് നിങ്ങളായി നിങ്ങടെ പാടായി.ആശംസകള് എന്നായിരുന്നു ഒരാളുടെ കമന്റ്.
സിനിമയൊക്കെ എടുത്തോ ഓവര് ഹൈപ്പ് കൊടുത്ത് കുളമാക്കാതിരുന്നാല് മതി ഒടിയന് നല്ലൊരു ചിത്രമായിരുന്നു അതിന്റെ പരാജയം ഓവര് ഹൈപ്പായിരുന്നു, നിങ്ങള് നല്ലൊരു സംവിധായകനാണ് അതില് തര്ക്കമില്ല. പ്രേക്ഷകര് ആഗ്രഹിക്കുന്ന പോലെ നല്ലൊരു സിനിമയുമായി വരിക, ജീവന് വേണേല് ഓടിക്കോ ലാലേട്ടാ! ഒരാള് ഒന്ന് കരക്ക് കയറുമ്പോഴേക്കും പിന്നേം വലിച്ചു കുളത്തിലേക്ക് ഇട്ടോണം, തള്ള് കുറച്ചു ,നല്ല ഫിലിം ചെയ്താല് മതി .തള്ളി തള്ളി നാട്ടുകാര്ക്ക് ഹൈപ്പ് കൊടുത്തിട്ട് തീയറ്ററില് ചെല്ലുമ്പോള് അതിന്റെ 10% പോലും കിട്ടിയില്ല എങ്കില് തെറി വിളി കേള്ക്കേണ്ടി വരും എന്നായിരുന്നു മറ്റ് ചില കമന്റുകള്.
ജസ്റ്റ് തള്ളാതെ ഇരുന്നാല് തന്നെ 100 ദിവസം ഓടിക്കോളും, എന്റെ പൊന്നു ചേട്ടാ, ലാലേട്ടന് ഇപ്പോഴാണ് ഒന്ന് ട്രാക്കിലോട്ട് വന്ന് തുടങ്ങിയത്.. ആ മനുഷ്യനെ പിന്നേം കൊണ്ടുപോയി കുഴിയില് ഇടരുത്. ഒടിയനു ശേഷം അങ്ങേര്ക്ക് ഒന്നു ഷേവ് ചെയ്യാന് പോലും പറ്റാത്ത അവസ്ഥയിലെത്തിച്ചപ്പോള് സമാധാനമായല്ലേ അണ്ണാ ഇനിയും ഇതു പോലുള്ള പരീക്ഷണങ്ങള്ക്ക് വിധേയനാക്കി ആ മഹാ നടനെ ഉപദ്രവിക്കല്ലേ എന്നും കമന്റുകൾ ഉണ്ട്.
