ന്യൂദല്‍ഹി: തിരുവനന്തപുരത്ത് ബിഎസ്എന്‍എല്‍ എഞ്ചിനീയേഴ്സ് സഹകരണ സംഘത്തില്‍ നടന്നത് വലിയ തട്ടിപ്പാണെന്ന് സുപ്രീംകോടതി.പെന്‍ഷന്‍കാരുടെ ഉള്‍പ്പെടെ പണമാണ് പോയതെന്നും കോടതി ചൂണ്ടിക്കാട്ടി. പ്രതികളുടെ ജാമ്യവുമായി ബന്ധപ്പെട്ട ഹൈക്കോടതി ഉത്തരവിനെതിരായ ഹര്‍ജി പരിഗണിക്കവേയാണ് ജസ്റ്റിസ് സഞ്ജീവ് ഖന്ന അധ്യക്ഷനായ സുപ്രീംകോടതി ബെഞ്ചിന്റെ നീരീക്ഷണം.
നേരത്തെ, കേസിലെ പ്രതികളായ മായ, ഷീജ എന്നിവര്‍ക്ക് പ്രധാന കേസില്‍ ലഭിച്ച ജാമ്യം മറ്റു കേസുകളിലും ഹൈക്കോടതി ബാധമാക്കിയിരുന്നു. ഇത് ചോദ്യം ചെയ്ത് പരാതിക്കാരനായ ഉമാശങ്കറാണ് സുപ്രീംകോടതിയിലെത്തിയത്.
തട്ടിപ്പുമായി ബന്ധപ്പെട്ട് എടുത്ത കേസുകളില്‍ പത്തു വര്‍ഷം വരെ തടവ് ലഭിക്കാവുന്ന കുറ്റങ്ങളാണ് ചുമത്തിയിരിക്കുന്നതെന്ന് ഹര്‍ജിക്കാരന്റെ അഭിഷാകന്‍ കോടതിയില്‍ വാദമുയര്‍ത്തി.അതിനാല്‍ മറ്റു കേസുകളില്‍ അറസ്റ്റ് വേണ്ടെന്ന ഹൈക്കോടതി ഉത്തരവ് നിയമവിരുദ്ധമാണെന്നും വാദിച്ചതിനെതുടര്‍ന്ന് സുപ്രീം കോടതി രണ്ട് പ്രതികള്‍ക്കും നോട്ടീസയച്ചു. നാലാഴ്‌ച്ചയ്‌ക്കകം നോട്ടീസില്‍ മറുപടി നല്‍കണമെന്നും സുപ്രീംകോടതി ഉത്തരവിട്ടു.
പ്രതികരിക്കാൻ ഇവിടെ എഴുതുക: