മുംബൈ: സ്വച്ഛത അഭിയാന്റെ ഭാഗമായി മഹാരാഷ്ടയിലെ കാലാറാം ക്ഷേത്രത്തിന്റെ മുറ്റം അടിച്ചുവാരി വൃത്തിയാക്കി പ്രധാനമന്ത്രി മോദി. അയോധ്യയില് രാമക്ഷേത്രത്തില് പ്രാണപ്രതിഷ്ഠ ചെയ്യുമ്പോള് രാജ്യത്തുടനീളമുള്ള ക്ഷേത്രങ്ങള് സന്ദര്ശിക്കുകയും അവിടെയെല്ലാം തൂത്ത് വൃത്തിയുള്ളതാക്കാനും എല്ലാവരും രംഗത്തിറങ്ങാനും മോദി ആഹ്വാനം ചെയ്തു.
#WATCH | PM Modi took part in 'Swachhata Abhiyan' today at the Kalaram temple in Maharashtra's Nashik
The PM had also appealed to everyone to carry out Swachhata activities at temples across the country. pic.twitter.com/80C9nXRCI1
— ANI (@ANI) January 12, 2024
കാലാറാം ക്ഷേത്രം സന്ദര്ശിക്കാനും പരിസരം വൃത്തിയാക്കാനുമുള്ള സൗഭാഗ്യം തനിക്ക് ലഭിച്ചുവെന്ന് മോദി പറഞ്ഞു.
സ്വച്ഛത അഭിയാന് എന്നത് മോദി സര്ക്കാരിന്റെ ഒരു ബൃഹദ് പദ്ധതിയായിരുന്നു. ഇന്ത്യയിലെ 4041 ടൗണുകളിലെ തെരുവുകളും റോഡുകളും അടിസ്ഥാനസൗകര്യങ്ങളും വൃത്തിയാക്കി വെയ്ക്കുക എന്നതാണ് ഈ പദ്ധതികൊണ്ട് ഉദ്ദേശിക്കുന്നത്. അവസരം കിട്ടുമ്പോഴെല്ലാം സ്വച്ഛത ഭാരത് അഭിയാന് (ഇന്ത്യയെ വൃത്തിയാക്കാനുള്ള പ്രചാരണപദ്ധതി) സ്വന്തം ജീവിതം കൊണ്ട് പ്രചരിപ്പിക്കാന് മോദി ശ്രമിക്കാറുണ്ട്.
