മാധ്യമരംഗത്ത് കരുത്താര്‍ജ്ജിച്ച് മുകേഷ് അംബാനി; ഇന്ത്യയുടെ ഏറ്റവും വലിയ സംയോജിത വാര്‍ത്താചാനലായി മാറി നെറ്റ് വര്‍ക്ക് 18

മുംബൈ: മാധ്യമരംഗത്ത് കൂടുതല്‍ കരുത്താര്‍ജ്ജിക്കുകയാണ് മുകേഷ് അംബാനി. അദ്ദേഹത്തിന്റെ നെറ്റ് വര്‍ക്ക് 18 ഇന്ത്യയിലെ ഏറ്റവും വലിയ സംയോജിത വാര്‍ത്താ ചാനലായി മാറും.

കഴിഞ്ഞ ദിവസം നെറ്റ് വര്‍ക്ക് 18 എന്ന മാധ്യമക്കമ്പനിയില്‍, ടിവി18 ബ്രോഡ് കാസ്റ്റ് എന്ന ടെലിവിഷന്‍ ചാനലും ഇ-18 എന്ന ഡിജിറ്റല്‍ മീഡിയ കമ്പനിയും ലയിച്ചതോടെയാണിത്. ഇത് മൂന്നും മകേഷ് അംബാനിയുടെ ഉടമസ്ഥതയിലുള്ള കമ്പനിയാണെങ്കിലും ഈ മൂന്ന് കമ്പനികളും ലയിച്ചതോടെ നെറ്റ് വര്‍ക്ക് 18 എന്ന ബ്രാന്‍റ് ശക്തമാവുകയാണ്. ടിവി18 എന്ന കമ്പനിയ്‌ക്ക് 18 ഭാഷകളില്‍ ടിവി ചാനലുകളും സിഎന്‍ബിസി ടിവി18 എന്ന് ബിസിനസ് ചാനലും ഉണ്ട്. ഇതെല്ലാം ഇനി നെറ്റ് വര്‍ക്ക് 18ന് കീഴിലാകും.

ബിസിനസ് വെബ് സൈറ്റായ മണികണ്‍ട്രോള്‍ എന്ന പോര്‍ട്ടല്‍ ഇ-18ന്റെ ഉടമസ്ഥതയിലുള്ളതായിരുന്നു. ഇതെല്ലാം ഇനി നെറ്റ് വര്‍ക്ക് 18ന്റെ ഭാഗമാകും. ടിവി 18ഉം ഇ18 എന്ന ഡിജിറ്റല്‍ പ്ലാറ്റ് ഫോമും കൂടി എത്തുന്നതോടെ, വിവിധ ഇന്ത്യന്‍ ഭാഷകളില്‍ ടിവി ചാനല്‍ ഉള്ള നെറ്റ് വര്ക്ക് 18 ഇന്ത്യയിലെ ഏറ്റവും വലിയ സംയോജിത വാര്‍ത്താചാനലായി മാറും.