ന്യൂദല്‍ഹി: സൈന്യത്തിന് കൂടുതല്‍ ശക്തി പകരാന്‍ അത്യാധുനിക ആക്രമണ റൈഫിളുമായി ഡിആര്‍ഡിഒ. ഉഗ്രം എന്ന് പേരിട്ടിരിക്കുന്ന റൈഫിള്‍ ഡിആര്‍ഡിഒയും ഹൈദരാബാദ് ആസ്ഥാനമായുള്ള സ്വകാര്യ സ്ഥാപനവും ചേര്‍ന്നാണ് നിര്‍മിച്ചിരിക്കുന്നത്.
സ്വകാര്യ ഏജന്‍സിയായ ദ്വിപ ആര്‍മര്‍ ഇന്ത്യ പ്രൈവറ്റ് ലിമിറ്റഡുമായി സഹകരിച്ച് ഡിആര്‍ഡിഒയുടെ പൂനെ ആസ്ഥാനമായുള്ള ആര്‍മമെന്റ് റിസര്‍ച്ച് ആന്‍ഡ് ഡെവലപ്പ്മെന്റ് എസ്റ്റാബ്ലിഷ്മെന്റും ചേര്‍ന്ന് ഇതാദ്യമായാണ് 7.62 ത 51 കാലിബര്‍ റൈഫിള്‍ നിര്‍മിച്ചിരിക്കുന്നത്.
അഞ്ഞൂറ് മീറ്റര്‍ റേഞ്ചും നാല് കിലോഗ്രാമില്‍ താഴെ മാത്രം ഭാരവുമാണ് ഉഗ്രത്തിനുള്ളത്. മാത്രമല്ല 20 റൗണ്ട് മാഗസിന്‍ ശേഷിയുമുണ്ട്. സിംഗിള്‍, ഫുള്‍, ഓട്ടോ മോഡില്‍ ഫയര്‍ ചെയ്യാനും കഴിയും.
പ്രതികരിക്കാൻ ഇവിടെ എഴുതുക: