നവി മുംബയ് : ഇന്ത്യക്ക് എതിരായ വനിതാ ടി20 പരമ്പര ഓസ്‌ട്രേലിയക്ക്. അവസാന ടി20 മത്സരത്തില്‍ ഓസ്‌ട്രേലിയ 7 വിക്കറ്റ് വിജയം നേടി പരമ്പര 2-1ന് സ്വന്തമാക്കി.
148 റണ്‍സ് വിജയലക്ഷ്യം 18.4 ഓവറില്‍ മൂന്ന് വിക്കറ്റ് നഷ്ടത്തില്‍ ഓസ്‌ട്രേലിയ മറികടന്നു. ഓപ്പണര്‍ ഹീലി 38 പന്തില്‍ നിന്ന് 55 റണ്‍സ് നേടി. മൂണി 45 പന്തില്‍ നിന്ന് 52 റണ്‍സ് എടുത്ത് പുറത്താകാതെ നിന്നു.
ആദ്യം ബാറ്റു ചെയ്ത ഇന്ത്യ 20 ഓവറില്‍ ആറ് വിക്കറ്റ് നഷ്ടത്തില്‍ 147 റണ്‍സെടുത്തു. ഓപ്പണര്‍ ഷഫാലി വര്‍മ്മ 17 പന്തില്‍ 26 റണ്‍സും സ്മൃതി 28 പന്തില്‍ 29 റണ്‍സും നേടി.
ജമീമ രണ്ട് റണ്‍സും ഹര്‍മന്‍പ്രീത് കൗര്‍ 3 റണ്‍സും എടുത്ത് പുറത്തായി. റിച്ച ഘോഷ് 34 റണ്‍സ് എടുത്തു.
ഓസ്‌ട്രേലിയക്കായി സത്ര്‍ലാണ്ടും ജോര്‍ജിയയും രണ്ട് വിക്കറ്റ് വീതം നേടി. മേഗന്‍ ഷട്ട് ഒരു വിക്കറ്റെടുത്തു.
പ്രതികരിക്കാൻ ഇവിടെ എഴുതുക