മെല്ബണ്: ഓസ്ട്രേലിയന് ഓപ്പണ് 2024 യോഗ്യതാ റൗണ്ടില് ഇന്ത്യന് താരം അങ്കിത റെയ്ന മുന്നോട്ട്. വനിതാ സിംഗിള്സ് ആദ്യ റൗണ്ടില് സ്പെയിനിന്റെ ജെസീക്ക ബൗസാസ് മനെയ്റോയെ ആവേശകരമായ മത്സരത്തില് റെയ്ന പരാജയപ്പെടുത്തി.
രണ്ട് മണിക്കൂറും 49 മിനിറ്റും നീണ്ട പോരാട്ടത്തിലാണ് അങ്കിതയുടെ ജയം.6-4, 5-7, 7-6 (10-4) എന്ന സ്കോറിനാണ് അങ്കിത സ്പാനിഷ് എതിരാളിയെ അടിയറവ് പറയിച്ചത്. യോഗ്യതാ റൗണ്ടിന്റെ രണ്ടാം മത്സരത്തില് ബുധനാഴ്ച ചെക്ക് റിപ്പബ്ലിക്കിന്റെ സാറാ ബെജ്ലെക്കിനെ റെയ്ന നേരിടും.
ഡബ്ലിയു സര്ക്യൂട്ടില് 208-ാം സ്ഥാനത്താണ് റെയ്ന. തന്റെ കന്നി ഗ്രാന്ഡ്സ്ലാം ടൂര്ണമെന്റിലേക്ക് മുന്നേറാനുള്ള ശ്രമത്തിലാണ് റെയ്ന. കഴിഞ്ഞ വര്ഷം യുഎസ് ഓപ്പണ്, ഫ്രഞ്ച് ഓപ്പണ് യോഗ്യതാ മത്സരങ്ങളിലെ അവസാന റൗണ്ട് വരെ റെയ്ന എത്തിയിരുന്നു.
