വാഷിങ്ടണ്‍ : അമേരിക്കന്‍ പ്രസിഡന്റിന്റെ ഔദ്യോഗിക വസതിയായ വൈറ്റ്ഹൗസിന് പുറത്തുള്ള ഗേറ്റിലേക്ക് കാര്‍ ഇടിച്ചുകയറി. ഡ്രൈവര്‍ പോലീസ് പിടിയില്‍. ആക്രമണമാണോയെന്നത് സംബന്ധിച്ച് വ്യക്തമല്ല, സംഭവത്തില്‍ പോലീസ് അന്വേഷണം നടത്തി വരികയാണെന്ന് യുഎസ് സീക്രട്ട് സര്‍വീസ് അറിയിച്ചു.
തിങ്കളാഴ്ച വൈകിട്ട് ആറ് മണിയോടെയാണ് സംഭവം. സൗത്ത് കരോലിനയില്‍ നിന്ന് ടെക്‌സസിലേക്കുള്ള യാത്രയ്‌ക്കിടെ വാഹനം വൈറ്റ് ഹൗസ് സമുച്ചയത്തിന്റെ പുറം ഗേറ്റുമായി കൂട്ടിയിടിക്കുകയായിരുന്നു. വാഹനം ഇടിച്ചതിന്റെ കാരണം വ്യക്തമല്ല. ഇക്കാര്യം അന്വേഷിച്ചു വരികയാണെന്ന് സീക്രട്ട് സര്‍വീസ് അറിയിച്ചു.
വൈറ്റ് ഹൗസിന് സമീപമുള്ള ഫിഫ്റ്റീത് സ്ട്രീറ്റിലും പെന്‍സില്‍വാനിയ അവന്യൂവിലും ഗതാഗതത്തിന് നിയന്ത്രണമുണ്ട്. ഇതിന് മുമ്പും വൈറ്റ്ഹൗസിന്റെ ഗേറ്റിലേക്ക് വാഹനം ഇടിച്ചു കയറി അപടകങ്ങള്‍ ഉണ്ടായിട്ടുണ്ട്. സംഭവത്തില്‍ ആളുകളേയും സീക്രട്ട് സര്‍വീസ് അറസ്റ്റ് ചെയ്തിട്ടുണ്ട്.
പ്രതികരിക്കാൻ ഇവിടെ എഴുതുക: