ആലപ്പുഴ : കേരളവും ഉത്തര്പ്രദേശും തമ്മിലുളള രഞ്ജി ട്രോഫി മത്സരം സമനിലയില് അവസാനിച്ചു.കേരളം രണ്ടാം ഇന്നിംഗ്സില് 72/2 എന്ന സ്കോറില് നില്ക്കെ കളി സമനിലയില് അവസാനിപ്പിക്കാന് തീരുമാനിക്കുകയായിരുന്നു
. ആദ്യ ഇന്നിംഗ്സില് ഉത്തര്പ്രദേശ് ലീഡ് നേടിയത് കൊണ്ട് അവര്ക്ക് മൂന്ന് പോയിന്റ് ലഭിച്ചു. കേരളത്തിന് ഒരു പോയിന്റും കിട്ടി.
ഉത്തര്പ്രദേശ് രണ്ടാം ഇന്നിംഗ്സ് 382റണ്സ് ലീഡില് നില്ക്കെ രാവിലെ ഡിക്ലയര് ചെയ്തിരുന്നു.രണ്ടാം ഇന്നിംഗ്സില് അവര് 323/3 എന്ന സ്കോറാണ് നേടിയത്. ഇന്നലെ ആര്യന് ജുയാല് സെഞ്ച്വറി (115)റണ്സ് നേടിയിരുന്നു. ഇന്ന് പ്രിയം ഗാര്ഗ് 106 റണ്സ് നേടി.
അക്ഷ് ദീപ് നാത് 38 റണ്സുമായി പുറത്താകാതെ നിന്നു. സമര്ത്ത് സിംഗ് 43റണ്സും എടുത്തു. കേരളത്തിനായി ബേസില് തമ്പി, ജലജ് സക്സേന, ശ്രേയസ് ഗോപാല് എന്നിവര് ഒരോ വിക്കറ്റ് വീതം നേടി.
ഉത്തര്പ്രദേശ് ആദ്യ ഇന്നിംഗ്സില് 302 റണ്സും കേരളം ആദ്യ ഇന്നിംഗസില് 243 റണ്സുമാണ് നേടിയത്.
