കൊച്ചി : കെഎസ്ആര്‍ടിസിയില്‍ ശമ്പളം രണ്ട് ഗഡുക്കളായി നല്‍കാന്‍ ഹൈക്കോടതി ഡിവിഷന്‍ ബഞ്ച് ഉത്തരവ്.ആദ്യ ഗഡു പത്താം തീയതിക്ക് മുമ്പും രണ്ടാം ഗഡു ഇരുപതാം തീയതിക്ക് മുമ്പും നല്‍കണം. എല്ലാ മാസവും പത്താം തീയതിക്കകം മുഴുവന്‍ ശമ്പളവും നല്‍കണമെന്ന സിംഗിള്‍ ബെഞ്ച് ഉത്തരവ് പരിഷ്‌കരിച്ചാണ് വിധി.
ശമ്പളവിതരണത്തില്‍ മുന്‍ഗണന ആവശ്യപ്പെട്ട് ജീവനക്കാര്‍ നല്‍കിയ ഹര്‍ജിയിലായിരുന്നു ജസ്റ്റിസ് ദേവന്‍ രാമചന്ദ്രന്റെ സിംഗിള്‍ ബെഞ്ച് ഉത്തരവിറക്കിയത്. എല്ലാ മാസവും പത്താം തീയതി മുഴുവന്‍ ശമ്പളവും നല്‍കണമെന്നായിരുന്നു ഉത്തരവ്.
എന്നാല്‍ എല്ലാ മാസവും പത്തിനകം ശമ്പളം നല്‍കാനാവില്ലെന്നും സാമ്പത്തിക പ്രതിസന്ധിയുണ്ടെന്നും ചൂണ്ടിക്കാട്ടി കെഎസ്ആര്‍ടിസിയാണ് ഡിവിഷന്‍ ബെഞ്ചില്‍ ഹര്‍ജി സമര്‍പ്പിച്ചത്.
സര്‍ക്കാര്‍ സഹായം ഉപയോഗിച്ചാണ് ശമ്പളം നല്‍കുന്നത്. അത് ലഭിക്കുമ്പോള്‍ 15-ാം തീയതിയാകുമെന്നും കെഎസ്ആര്‍ടിസി ഹൈക്കോടതിയെ അറിയിച്ചു.ഇതേ തുടര്‍ന്നാണ് സിംഗിള്‍ ബെഞ്ച് ഉത്തരവ് ഹൈക്കോടതി റദ്ദാക്കിയത്.
പ്രതികരിക്കാൻ ഇവിടെ എഴുതുക: