ഹരിപ്പാട്: മണ്ണാറശാല ഉമാദേവി അന്തര്‍ജനത്തിന്റെ ഓര്‍മ്മയ്‌ക്ക് ആര്‍എസ്എസ് അഖില ഭാരത കാര്യകാരി മണ്ഡലില്‍ അവതരിപ്പിച്ച അനുശോചന സന്ദേശം മണ്ണാറശാലാ കുടുംബത്തിന് കൈമാറി.
കഴിഞ്ഞ ആഗസ്തിലായിരുന്നു അമ്മയുടെ സമാധി. ഗുജറാത്തിലെ ഭുജില്‍ നവംബര്‍ അഞ്ചു മുതല്‍ എഴുവരെയാണ് കാര്യകാരി മണ്ഡല്‍ നടന്നത്. ഭാരതത്തിലെ ആത്മീയാചാര്യര്‍, വിശിഷ്ടരായ വ്യക്തികള്‍ അന്തരിച്ചാല്‍, പ്രതിനിധി സഭ അനുശോചനം രേഖപ്പെടുത്തും.
ആര്‍എസ്എസ് സര്‍സംഘചാലകിന്റെ കൈയ്യൊപ്പോട് കൂടിയ സന്ദേശം ശബരിഗിരി വിഭാഗ് സംഘചാലക് സി.പി.മോഹന ചന്ദ്രന്‍, മുതിര്‍ന്ന പ്രചാരക് എ.എം.കൃഷ്ണന്‍ എന്നിവരില്‍ നിന്ന് മണ്ണാറശാല കുടുംബത്തിലെ എന്‍. ജയദേവന് ഏറ്റുവാങ്ങി. കുടുംബാംഗം കിരണ്‍ വി.ഗോവിന്ദ്, ചെങ്ങന്നൂര്‍ ജില്ലാ സംഘചാലക് ഡി. ദിലീപ്, ഖണ്ഡ് സംഘചാലക് ഡി. ദാമോദരന്‍ പോറ്റി, ജില്ലാ കാര്യവാഹ് പി.ജെ. മധുപ്രസാദ്, ഖണ്ഡ് കാര്യവാഹ് ആര്‍. ഹരികുമാര്‍ എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: