ജയ്പൂർ: രാജസ്ഥാനിൽ നിന്നും അയോദ്ധ്യയിലേക്ക് സ്പെഷ്യൽ ട്രെയിൻ സർവീസ് ഉണ്ടായേക്കുമെന്ന് റിപ്പോർട്ടുകൾ. അയോദ്ധ്യയുമായി ബന്ധിപ്പിക്കുന്ന നാലോളം പ്രത്യേക സർവീസുകളാകും സംസ്ഥാനത്ത് നോർത്ത് വെസ്റ്റേൺ റെയിൽവേ അവതരിപ്പിക്കുകയെന്നാണ് സൂചന. സർവീസുകൾ ആരംഭിക്കുന്നതിന് വേണ്ടിയുള്ള നടപടിക്രമങ്ങൾ നടന്നു വരികയാണ്.
ഇന്ത്യൻ റെയിൽവേയിൽ നിന്നും സർവീസ് ആരംഭിക്കുന്നതിന് പിന്നാലെ നിരക്കുകളുൾപ്പെടെ സംബന്ധിച്ച വിശദാംശങ്ങൾ തീരുമാനിക്കും. അജ്മീറിൽ നിന്ന് ബന്ദികുയി, ആഗ്ര-അയോദ്ധ്യ, ജോധ്പൂർ-ജയ്പൂർ, അൽവാർ, റെവാരി-അയോദ്ധ്യ, ഉദയ്പൂർ-ജയ്പൂർ, ദൗസ എന്നിങ്ങനെയാണ് സർവീസുകൾ.
രാജസ്ഥാനിലെ ചില ഇടങ്ങളെ ബന്ധിപ്പിച്ച് ഹരിയാനയിലെ ഹിസാറിൽ നിന്ന് അയോദ്ധ്യയിലേക്കും സർവീസ് നടക്കും.
