ലോസ് ആഞ്ചലസ്: ഹോളിവുഡ് നടൻ ക്രിസ്റ്റ്യന് ഒലിവറും രണ്ട് പെണ്മക്കളും വിമാനാപകടത്തില് മരിച്ചു. ഇവര് സഞ്ചരിച്ചിരുന്ന സ്വകാര്യ വിമാനം കരീബിയന് കടലില് പതിക്കുകയായിരുന്നു. ക്രിസ്റ്റ്യന് ഒലിവര് (51), മക്കളായ മഡിത (10), അന്നിക്(12), വിമാനത്തിന്റെ പൈലറ്റ് റോബര്ട്ട് സാച്ച്സ് എന്നിവരാണ് അപകടത്തില്പ്പെട്ടത്.
ഗെനേഡിന്സിലെ ചെറു ദ്വീപായ ബെക്വിയയില് നിന്ന് സെന്റ് ലൂസിയയിലേക്ക് പോവുന്നതിനിടെ അപകടമുണ്ടായത്. വിമാനം പറന്നു പൊങ്ങിയതിനു പിന്നാലെ കടലില് പതിക്കുകയായിരുന്നുവെന്നാണ് വിവരം. കുടുംബത്തിനൊപ്പം അവധി ആഘോഷിക്കാനായാണ് താരം ബെക്വിയയില് എത്തിയത്.
അപകടത്തിനു പിന്നാലെ മത്സ്യത്തൊഴിലാളികളും ഡൈവര്മാരും കോസ്റ്റ് ഗാര്ഡും ചേര്ന്ന് നടത്തിയ തെരച്ചിലില് നാല് മൃതദേഹങ്ങളും കണ്ടെത്തി. വിമാനം കടലിൽ പതിക്കുന്നതിന്റെ ദൃശ്യങ്ങൾ പാജെറ്റ് ഫാമിലെ മീൻ പിടുത്തക്കാർ കണ്ടിരുന്നു. ദൃക്സാക്ഷികളിൽ നിന്നും ലഭിച്ച വിവരത്തിന്റെ അടിസ്ഥാനത്തിൽ തീരസംരക്ഷണ സേനയും രക്ഷാപ്രവർത്തനത്തിന് എത്തിയിരുന്നു.
2008ലെ ആക്ഷൻ, കോമഡി ചിത്രം സ്പീഡ് റേ സറിലൂടെ താരം ജനപ്രീതി നേടിയിരുന്നു. സേവ്ഡ് ബൈ ദ് ബെൽ:ദ് ന്യൂ ക്ലാസ് എന്ന ടിവി ഷോ ഒലിവറിന് ധാരാളം ആരാധകരെ നൽകി.
