തിരുവനന്തപുരം : കിഫ്ബി മസാല ബോണ്ട് കേസില് ചോദ്യം ചെയ്യലിന് ഹാജരാകാന് ആവശ്യപ്പെട്ട് വീണ്ടും എന്ഫോഴ്സ്മെന്റ് ഡയറക്ടറേറ്റിന്റെ നോട്ടീസ്. ജനുവരി 12ന് കൊച്ചിയിലെ എന്ഫോഴ്സ്മെന്റ് ഓഫീസില് ഹാജരാകണമെന്ന് ആവശ്യപ്പെട്ടാണ് നോട്ടീസ് നല്കിയത്. ഇഡിയുടെ നടപടിക്കെതിരെ തോമസ് ഐസക് കോടതിയെ സമീപിച്ചെങ്കിലും കേന്ദ്ര ഏജന്സിക്ക് തുടര് അന്വേഷണവുമായി മുന്നോട്ട് പോകാമെന്ന ഹൈക്കോടതിയുടെ അറിയിപ്പിനെ തുടര്ന്നാണ് ഈ നടപടി.
കിഫ്ബി മസാല ബോണ്ട് കേസില് മുന് ധനമന്ത്രി തോമസ് ഐസക്കിന് വീണ്ടും എന്ഫോഴ്സ്മെന്റ് ഡയറക്ടറേറ്റിന്റെ നോട്ടീസ്. ജനുവരി 12 ന് ചോദ്യം ചെയ്യലിന് ഹാജരാകാന് നിര്ദ്ദേശിച്ചു കൊണ്ടാണ് ഇ ഡി നോട്ടീസ് നല്കിയിരിക്കുന്നത്. കൊച്ചി ഓഫീസില് ഹാജരാകാനാണ് നിര്ദ്ദേശം. നോട്ടീസ് അയക്കുന്നത് നേരത്തെ ഹൈക്കോടതി തടഞ്ഞിരുന്നു. വ്യക്തിഗത വിവരങ്ങള് ചോദിച്ചെന്നെ തോമസ് ഐസക്കിന്റെ ഹര്ജിയിലായിരുന്നു ഈ നടപടി.
ഇഡി തനിക്കെതിരെ തുടര്ച്ചയായി സമന്സുകള് അയയ്ക്കുകയാണെന്നും അനാവശ്യ രേഖകള് ഹാജരാക്കണമെന്ന് ആവശ്യപ്പെടുന്നുവെന്നും കേസിന്റെ പിന്നില് രാഷ്ട്രീയ താത്പര്യങ്ങളുമാണെന്നുമായിരുന്നു തോമസ് ഐസക്കിന്റെ വാദം. ബന്ധുക്കളുടെ അടക്കം 10 വര്ഷത്തെ മുഴുവന് സാമ്പത്തിക ഇടപാടിന്റെ രേഖകള് ഹാജരാക്കണമെന്നും സമന്സില് അവശ്യപ്പെട്ടുവെന്നും പറഞ്ഞാണ് തോമസ് ഐസക്ക് ഹൈക്കോടതിയെ സമീപിച്ചത്. തുടര്ന്ന് തോമസ് ഐസക്കിന് സമന്സ് അയക്കുന്നത് നിര്ത്തിവെക്കണം എന്നാല് കേസില് അന്വഷണവുമായി ഇഡിക്ക് മുന്നോട്ട് പോകാമെന്നും കോടതി അറിയിക്കുകയായിരുന്നു.
