ചെന്നൈ : ജനങ്ങളെ കയ്യിലെടുക്കാന് പിണറായി സര്ക്കാരിന്റെ തുറിപ്പ് ചീട്ടായ കിറ്റ് വിതരണം പകര്ത്താന് തയാറെടുത്ത് അയല് സംസ്ഥാനമായ തമിഴ്നാടും. പൊങ്കലിന് ജനങ്ങള്ക്ക് കിറ്റിനൊപ്പം 1000 രൂപയും നല്കുമെന്ന് പ്രഖ്യാപിച്ചിരിക്കുകയാണ് തമിഴ്നാട് മുഖ്യമന്ത്രി എം കെ സ്റ്റാലിന്.
ഈ മാസം 15 നാണ് പൊങ്കല് ആഘോഷം. ഇതിന് മുന്നോടിയായി റേഷന് കടകളിലൂടെയാണ് കിറ്റ് വിതരണം. ആദായനികുതി അടയ്ക്കുന്നവര്, പൊതുമേഖലാ സ്ഥാപനങ്ങളില് ജോലി ചെയ്യുന്നവര്, കേന്ദ്ര-സംസ്ഥാന സര്ക്കാര് ജീവനക്കാര് എന്നിവരൊഴികെ എല്ലാ റേഷന് കാര്ഡ് ഉടമകള്ക്കും കിറ്റും 1000 രൂപയും വിതരണം ചെയ്യും.
അരിയും പഞ്ചസാരയും ഉള്പ്പെടെയാണ് സര്ക്കാരിന്റെ പൊങ്കല് കിറ്റ്. കിറ്റിനും പണത്തിനും പുറമെ മുണ്ടും സാരിയും നല്കും.
ധനസഹായം ഉപഭോക്താക്കളുടെ ബാങ്ക് അക്കൗണ്ടിലേക്കാണ് നേരിട്ടെത്തുക.ജനുവരി 10നകം 1.15 കോടി കുടുംബങ്ങള്ക്ക് ധനസഹായം ലഭിക്കും.
