തിരുവനന്തപുരം: പിണറായി വിജയന് സ്തുതിയുമായി സിപിഎം സംസ്ഥാനസെക്രട്ടറി എം.വി. ഗോവിന്ദന്. മുഖ്യമന്ത്രി സൂര്യനെപ്പോലെയാണ്, അടുത്ത് പോയാൽ കരിഞ്ഞു പോകുമെന്ന് സിപിഎം നേതാവ് എം.വി. ഗോവിന്ദന്. . മുഖ്യമന്ത്രിയുടെ കൈ കളങ്കമില്ലാത്തതാണെന്നും മുഖ്യമന്ത്രിയുടെത് സംശുദ്ധ രാഷ്ട്രീയമാണെന്നും എം.വി ഗോവിന്ദൻ പറഞ്ഞു.
രാമക്ഷേത്ര ഉദ്ഘാടനച്ചടങ്ങിൽ പങ്കെടുക്കില്ലെന്നു സിപിഐഎം പറഞ്ഞിട്ടുണ്ട്. കോൺഗ്രസ് നിലപാട് പറഞ്ഞിട്ടില്ല. കോൺഗ്രസ് വർഗീയ നിലപാടിൽ നിന്നു മാറാൻ തയാറല്ല. -എം.വി ഗോവിന്ദൻ പറഞ്ഞു.
തൃശൂർ ബിജെപി തൊടാൻ പോകുന്നില്ല. കേരളത്തിൽ ഒരു സീറ്റും ബിജെപി പിടിക്കില്ല. -അദ്ദേഹം പറഞ്ഞു.
പിണറായി വിജയനെ സ്തുതിക്കുന്ന കാര്യത്തില് മത്സരിക്കുകയാണ് സിപിഎം നേതാക്കളും മന്ത്രിമാരും. നവകേരളസദസ്സില് പലയിടങ്ങളിലും അതിരുകവിഞ്ഞ സ്തുതികളാണ് സഹകരണമന്ത്രി വാസവന് നടത്തിയത്. കാലം കാത്തുവെച്ച കര്മ്മയോഗിയാണെന്നും കേരളത്തിന് ദൈവം തന്ന വരദാനമെന്നുമൊക്കെയായിരുന്നു വാസവന്റെ സ്തുതികള്.
