ഹൈസ്കൂള് വിഭാഗത്തില് ചാക്യാര്കൂത്തില് ഒന്നാമതെത്തി പാരിപ്പള്ളി അമൃത ഹയര് സെക്കന്ഡറി സ്കൂളിലെ അജയ് വി കുമാര്. പാണ്ഡവരുടെ ദൂതനായി കൃഷ്ണന് കൗരവസഭയില് എത്തുന്നതും കൃഷ്ണനെ അപമാനിക്കാന് കൗരവര് നടത്തുന്ന സംഭാഷണമാണ് ഇതിവൃത്തം.
അജയയുടെ സഹോദരനും ദേവകലയില് കലോത്സവങ്ങളില് തുടര്ച്ചയായി വിജയം നേടി വരികയാണ്. പൈങ്കുളം നാരായണചാക്യാരുടെ ശിക്ഷണത്തിലാണ് പാഠകവും ചാക്യാര്കൂത്തും പഠിക്കുന്നത്. മക്കള്ക്ക് എല്ലാവിധ പിന്തുണയുമായി അച്ഛന് വേണുകുമാറും അമ്മ പാരിപ്പള്ളി അമൃത ഹയര് സെക്കന്ഡറി സ്കൂളിലെ ഹിന്ദി അധ്യാപിക എസ്. മിനിയും ഒപ്പമുണ്ട്.
പാരിപ്പള്ളി അമൃത സംസ്കൃത സ്കൂള് കലയ്ക്കു നല്കുന്ന പ്രത്യേക പരിഗണന നിരവധി കുട്ടികള് ഭാരതീയവും പൗരണിക കലാരൂപങ്ങളില് ആകൃഷ്ടരായി അഭ്യസിക്കാനും അവതരിപ്പിക്കാനും തയ്യാറാകുന്നുവെന്ന് വേണുകുമാര് പറഞ്ഞു. അജയ്യുടെ സഹോദരന് അതുല് ആനന്ദു ചാക്യാര്കൂത്തില് യൂണിവേഴ്സിറ്റി തലത്തില് ഒന്നാം സ്ഥാനം നേടിയിട്ടുണ്ട്.
