തിരുവനന്തപുരം: കേരളത്തിലെ സ്ത്രീകള്‍ മോദിക്കൊപ്പമെന്ന് കേന്ദ്രസഹമന്ത്രി വി മുരളീധരന്‍.മഹിളാ ശക്തി പ്രധാനമന്ത്രിക്കൊപ്പം എന്ന രീതിയിലാണ് തൃശൂരില്‍ ഇന്നലെ പ്രധാനമന്ത്രിയുടെ സന്ദര്‍ശനം നടന്നത്. വനിതാ സംവരണ ബില്‍ മോദി നടപ്പിലാക്കിയ ശേഷം മഹിളാ സംഘടനകള്‍ ഒരക്ഷരം മിണ്ടുന്നില്ലെന്നും അദ്ദേഹം പറഞ്ഞു.
തെരഞ്ഞെടുപ്പ് പ്രവര്‍ത്തനങ്ങള്‍ ഊര്‍ജിതമായി തുടങ്ങി.പാര്‍ലമെന്റിലേക്ക് യു ഡി എഫും നിയമസഭയിലേക്ക് സിപിഎമ്മും എന്നതാണ് ഇവിടത്തെ ധാരണ. യു ഡി എഫ് നേതാക്കള്‍ എത്ര വെള്ളം കോരിയാലും പിണറായി ഭരിക്കട്ടെയെന്നാണ് രാഹുല്‍ ഗാന്ധിയുടെ തീരുമാനം.
സി പിഎം കേന്ദ്ര നേതാക്കള്‍ തീരുമാനിച്ചിട്ടുളളത് വയനാട്ടില്‍ രാഹുല്‍ ഗാന്ധി ജയിക്കട്ടെയെന്നാണ്. വയനാട്ടില്‍ നിന്നല്ലെങ്കില്‍ രാഹുല്‍ ഗാന്ധി എവിടെ നിന്നും ജയിക്കില്ല. അങ്ങനെ വന്നാല്‍ പാര്‍ലമെന്റംഗമാകാന്‍ രാഹുലിന് കഴിയില്ലെന്നും വി മുരളീധരന്‍ വ്യക്തമാക്കി.
പ്രതികരിക്കാൻ ഇവിടെ എഴുതുക: