തിരുവനന്തപുരം: അറബിക്കടലിലെ ന്യൂനമര്ദ്ദത്തിന്റെ സ്വാധീനത്തില് സംസ്ഥാനത്ത് രണ്ട് ദിവസം മഴയ്ക്ക് സാധ്യതയെന്ന് മുന്നറിയിപ്പ്. തെക്കന് കേരളത്തില് ഒറ്റപ്പെട്ട മഴയ്ക്ക്് സാധ്യതയെന്നാണ് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പില് പറയുന്നത്. അടുത്ത മൂന്ന് മണിക്കൂറിനുള്ളില് ഒറ്റപ്പെട്ട സ്ഥലങ്ങളില് ശക്തമായ മഴ ലഭിച്ചേക്കാം.
കോഴിക്കോട്, കണ്ണൂര്, കാസറഗോഡ് എന്നീ മൂന്ന് ജില്ലകളില് വ്യാഴവും, വെള്ളിയും യെല്ലോ അലേര്ട്ട് പ്രഖ്യാപിച്ചിട്ടുണ്ട്. തെക്ക് കിഴക്കന് അറബിക്കടലിനോട് ചേര്ന്ന മധ്യകിഴക്കന് അറബിക്കടല് എന്നിവിടങ്ങളില് മണിക്കൂറില് 40 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. തീരപ്രദേശത്തുള്ളവര് ജാഗ്രത പാലിക്കണമെന്ന് കാലാവസ്ഥാ വകുപ്പ് മുന്നറിയിപ്പ് നല്കി.
ആറാം തീയതി വരെ ലക്ഷദ്വീപ് പ്രദേശത്ത് മണിക്കൂറില് 40 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. ജനുവരി 7ന് മധ്യ കിഴക്കന് അറബിക്കടല് അതിനോട് ചേര്ന്ന തെക്ക് കിഴക്കന് അറബിക്കടല് എന്നിവിടങ്ങളില് മണിക്കൂറില് 40 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത. ഈ ദിവസങ്ങളില് മത്സ്യത്തൊഴിലാളികള് ജാഗ്രത പാലിക്കണം കടലില് പോകാന് പാടില്ലെന്നും മുന്നറിയിപ്പ് നല്കിയിട്ടുണ്ട്.
