കൊച്ചി: ശാസ്ത്ര സാങ്കേതിക സര്‍വകലാശാലയില്‍ വിദ്യാര്‍ത്ഥികളുടെ പ്രതിഷേധം. ഹോസ്റ്റലില്‍ രാത്രി കയറേണ്ട സമയം രാത്രി 11 മണിയില്‍ നിന്ന് 10 മണിയാക്കി കുറച്ചതിന് എതിരെയാണ് വിദ്യാര്‍ത്ഥികളുടെ പ്രതിഷേധം.
ഹോസ്റ്റലിന് മുന്നില്‍ വിവിധ വിദ്യാര്‍ത്ഥി സംഘടനകളുടെ നേതൃത്വത്തില്‍ സമരം തുടരുകയാണ്.മുന്നറിയിപ്പില്ലാതെയാണ് ഹോസ്റ്റലില്‍ കയറേണ്ട സമയം കുറച്ചതെന്ന് വിദ്യാര്‍ത്ഥികള്‍ പറയുന്നു.
കെ എസ് യു, എസ്എഫഐ ഉള്‍പ്പെടെ സംഘടനകളുടെ നേതൃത്വത്തിലാണ് വിദ്യാര്‍ത്ഥി പ്രതിഷേധം. യൂണിയനുമായോ വിദ്യാര്‍ത്ഥികളുമായോ കൂടിയാലോചിക്കാതെയാണ് ഹോസ്റ്റലില്‍ കയറേണ്ട സമയം കുറച്ചതെന്ന് വിദ്യാര്‍ത്ഥികള്‍ കുറ്റപ്പെടുത്തി. രാത്രി ഒമ്പത് മണിയോടെയാണ് പ്രതിഷേധം തുടങ്ങിയത്.
വിസിയോടും രജിസ്ട്രാറിനോടും ഇക്കാര്യം സംസാരിച്ചെങ്കിലും അനുകൂല തീരുമാനമായില്ലെന്ന് വിദ്യാര്‍ത്ഥികള്‍ പറഞ്ഞു.
പ്രതികരിക്കാൻ ഇവിടെ എഴുതുക