ചങ്ങനാശ്ശേരി : ക്രൈസ്തവ സഭാനേതൃത്വത്തെ അവഹേളിച്ച സജി ചെറിയാന് മന്ത്രിസഭയില് തുടരണം എന്ന നിലപാട് മാര്ക്സിസ്റ്റ് പാര്ട്ടിയുടെ പൊതുനയമാണ്. കേരളത്തിലെ ഏറ്റവും സംസ്കാരം ഇല്ലാത്തയാളാണ് സാംസ്കാരിക മന്ത്രിയെന്ന് കേന്ദ്രമന്ത്രി വി. മുരളീധരന്. പ്രധാനമന്ത്രിയുടെ ക്രിസ്തുമസ് വിരുന്നുമായി ബന്ധപ്പെട്ട് നടത്തിയ മന്ത്രി സജി ചെറിയാന്റെ പ്രസ്തവനയോട് പ്രതികരിക്കുകയായിരുന്നു അദ്ദേഹം.
ഗുണ്ടായിസം കാണിച്ചാല്, അതാണ് ഏറ്റവും വലിയ മേന്മ എന്നതാണ് പിണറായി വിജയന് സര്ക്കാരിന്റെ സമീപനം. അധിക്ഷേപവും അവഹേളനവും ആണ് മന്ത്രിസഭയിലേക്ക് എടുക്കുന്നതിന്റെ യോഗ്യത. നവകേരള യാത്രയില് ക്ഷണം കിട്ടിയ എത്ര ക്രൈസ്തവ സഭാ നേതാക്കള്ക്ക് മുഖ്യമന്ത്രിയോട് റബര് വിലയിടിവിനെക്കുറിച്ച് ചോദിക്കാന് പറ്റി. പ്രധാനമന്ത്രിയുടെ വിരുന്നിനെ വിമര്ശിക്കുന്നവര് ഇക്കാര്യം ആലോചിക്കണമെന്നും വി. മുരളീധരന് കൂട്ടിച്ചേര്ത്തു.
