മുംബൈ: ഓസ്ട്രേലിയയ്ക്കെതിരായ ഭാരതത്തിന്റെ ഏകദിന പരമ്പരയിലെ അവസാന മത്സരം ഇന്ന്. മൂന്ന് മത്സര പരമ്പരയിലെ ആദ്യ രണ്ട് കളികളും വിജയിച്ച് പരമ്പര സന്ദര്ശകര് സ്വന്തമാക്കി കഴിഞ്ഞു. ഇന്ന് നടക്കുന്ന കളിയില് ജയിച്ച് ആശ്വാസം കണ്ടെത്താനാണ് ഹര്മന് പ്രീത് കൗറും സംഘവും ഇറങ്ങുന്നത്.
കഴിഞ്ഞ മത്സരത്തില് ഫീല്ഡിങ്ങിലെ പിഴവുകളാണ് ഭാരതത്തിന് വിനയായത്. ഭാരത താരങ്ങള് പാഴാക്കിയ ക്യാച്ചുകളുടെ എണ്ണം ചൂണ്ടിക്കാട്ടി മത്സരത്തിന് പിന്നാലെ വനിതാ കോച്ച് രംഗത്തെത്തിയിരുന്നു. കഴിഞ്ഞ രണ്ട് മത്സരങ്ങളും നടന്ന വാംഖഡെയിലാണ് ഇന്നത്തെയും മത്സരം. നേരത്തെ ഏക ടെസ്റ്റ് പരമ്പരയില് ഓസ്ട്രേലിയയെ ചരിത്രത്തില് ആദ്യമായി തോല്പ്പിച്ചിരുന്നു. ഇന്നത്തെ ഏകദിനം കൂടി കഴിഞ്ഞാല് ട്വന്റി20 പരമ്പര ആരംഭിക്കും. വെള്ളിയാഴ്ചയാണ് ആദ്യ ട്വന്റി20. മൂന്ന് മത്സര ട്വന്റി20യിലെ മുഴുവന് കളികളും നവിമുംബൈയിലെ ഡി.വൈ. പാട്ടീല് സറ്റേഡിയത്തിലാണ്. മൂന്ന് മത്സര ട്വന്റി20 പരമ്പരയിലെ രണ്ടാം മത്സരം ഞായറാഴ്ചയും മൂന്നാം മത്സരം അടുത്ത ചൊവ്വാഴ്ച്ചയുമാണ്.
