നെയ്യാറ്റിന്കര: തമിഴ്നാട്ടില് നിന്നും കേരളത്തിലേക്ക് കടത്തിക്കൊണ്ടുവന്ന രേഖകളില്ലാത്ത 29 ലക്ഷം രൂപയുമായി രണ്ടുപേരെ അമരവിള ചെക്ക് പോസ്റ്റില് എക്സൈസ് സംഘം പിടികൂടി. ചെന്നൈ കില്പാര്ക്ക് ടാങ്ക്റോഡ് മേടവക്കം സന്യാസിപുരത്ത് അബ്ദുല് ഫയിസ് (42), ചെന്നൈ അണ്ണാസാലെ പുതുപ്പേട്ട ലോങ്ങ് ഗാര്ഡന് റോഡ് സ്വദേശി അബ്ദുള് നാസര്(31) എന്നിവരെയാണ് പിടികൂടിയത്.
ചെന്നൈയില് നിന്നും തിരുവനന്തപുരത്തേക്ക് വരികയായിരുന്ന ആഡംബര ബസ്സില് ബാഗിനുള്ളില് സൂക്ഷിച്ചിരുന്ന അഞ്ഞൂറിന്റെ 5800 നോട്ടുകളാണ് കണ്ടെത്തിയത്. എക്സൈസ് ഇന്സ്പെക്ടര് ജി.എസ്. സജിത് കുമാര്, പ്രിവന്റീവ് ഓഫീസര് കെ.ആര്. രാജേഷ്, സിവില് എക്സൈസ് ഓഫീസര്മാരായ മഹേഷ്, അഖില് തുടങ്ങിയ സംഘമാണ് പണം പിടികൂടിയത്. പ്രതികളെയും പണവും നെയ്യാറ്റിന്കര പോലീസിന് കൈമാറി.
