തിരുവനന്തപുരം: പുതുവത്സരത്തോടനുബന്ധിച്ച് സംസ്ഥാനത്ത് നാളെ വൈകിട്ട് മുതല് ജനുവരി 1 ന് രാവിലെ വരെ പെട്രോള് പമ്പുകള് അടച്ചിട്ട് പ്രതിഷേധിക്കും.രാത്രി എട്ട് മണി മുതല് മറ്റന്നാള് ആറ് മണി വരെ അടച്ചിടാനാണ് തീരുമാനം. സംസ്ഥാനത്തെ വിവിധ ജില്ലകളിലായി പെട്രോള് പമ്പ് ജീവനക്കാര്ക്ക് നേരെയുളള അതിക്രമങ്ങള് മുന്നിര്ത്തിയാണ് തീരുമാനം.
ഓള് കേരള ഫെഡറേഷന് ഓഫ് പെട്രോളിയം ഡീലേഴ്സ് അസോസിയേഷനാണ് പ്രതിഷേധിക്കുന്നത്. ജീവനക്കാര്ക്കെതിരായ അതിക്രമങ്ങളില് സര്ക്കാര് നടപടിയെടുത്തില്ലെങ്കില് പ്രതിഷേധം തുടരാനാണ് അസോസിയേഷന്റെ തീരുമാനം. പ്രശ്ന പരിഹാരമുണ്ടായില്ലെങ്കില് മാര്ച്ച് പത്ത് മുതല് രാത്രി പത്ത് മണി വരെയെ പമ്പുകള് പ്രവര്ത്തിക്കുകയുള്ളുവെന്നും അസോസിയേഷന് വ്യക്തമാക്കി. ഗുണ്ടാ ആക്രമണം തടയാന് ആശുപത്രി സംരക്ഷണ നിയമം പോലെ നിയമനിര്മാണം വേണമെന്നാണ് ആവശ്യം.
പുതുവത്സര തലേന്ന് രാത്രി മുതല് പുതുവത്സര ദിനത്തില് പുലര്ച്ചെ വരെ പെട്രോള് പമ്പുകള് അടച്ചിടുന്നത് ജനങ്ങളെ ബുദ്ധിമുട്ടിലാക്കുമെങ്കിലും ഗുണ്ടാ ആക്രമണത്തിനെതിരെ കര്ശന നടപടി വേണമെന്നാണ് വ്യാപാരികള് ആവശ്യപ്പെടുന്നത്. രാത്രിയിലും മറ്റുമായി പലയിടത്തായി പെട്രോള് പമ്പ് ജീവനക്കാരെ ആക്രമിച്ച സംഭവങ്ങള് പലയിടത്തായി റിപ്പോര്ട്ട് ചെയ്തിരുന്നു.
