ആഭ്യന്തരമന്ത്രി അമിത്ഷായുടെ ഇൻസ്റ്റഗ്രാം അക്കൗണ്ട് ജനപ്രീതിയിൽ കുതിക്കുന്നു; ഫോളോവേഴ്‌സ് ഒരു കോടി കടന്നു

ന്യൂഡൽഹി: ആഭ്യന്തരമന്ത്രി അമിത്ഷായുടെ ഇൻസ്റ്റഗ്രാം അക്കൗണ്ടിലെ ഫോളോവേഴ്‌സ് ഒരു കോടി കടന്നു. സമൂഹമാദ്ധ്യമങ്ങളിലുൾപ്പെടെ അദ്ദേഹത്തിന്റെ ജനപ്രീതി കുതിച്ചുയരുകയാണെന്ന് വിദഗ്ധർ അഭിപ്രായപ്പെട്ടു. ചരിത്ര പരമായ ഏഴ് ബില്ലുകളുൾപ്പെടെ ഇതിന് കാരണമായെന്നാണ് വിദഗ്ധരുടെ വിലയിരുത്തൽ.

ഏറ്റവും പുതിയ കണക്കുകൾ പ്രകാരം അമിത് ഷായ്‌ക്ക് എക്‌സ് അക്കൗണ്ടിൽ 3.41 കോടി ഫോളോവേഴ്‌സാണുള്ളത്. ഇൻസ്റ്റഗ്രാമിൽ 1.07 കോടി ഫോളോവേഴ്‌സാണ് ഉള്ളത്. ഫേസ്ബുക്കിൽ 1.5 കോടി ഫോളോവേഴ്‌സാണ് അമിത്ഷായ്‌ക്കുള്ളത്. രാജ്യത്ത് നിലവിൽ പ്രധാനമന്ത്രി നരേന്ദ്ര മോദിയ്‌ക്ക് ശേഷം ഏറ്റവും കൂടുതൽ ആളുകൾ ഫോളോ ചെയ്യുന്ന രാഷ്‌ട്രീയ വ്യക്തിത്വമാണ് അമിത് ഷാ.