കേപ്ടൗണ്‍: ദക്ഷിണാഫ്രിക്കക്കെതിരായ രണ്ടാം ക്രിക്കറ്റ് ടെസ്റ്റില്‍ ഓള്‍ റൗണ്ടര്‍ രവീന്ദ്ര ജഡേജ കളിക്കുമെന്ന് റിപ്പോര്‍ട്ട്.പരിക്ക് മൂലം ആദ്യ ടെസ്റ്റില്‍ താരം കളിച്ചിരുന്നില്ല.
സെഞ്ചൂറിയന്‍ ടെസ്റ്റിന്റെ മൂന്നാം ദിവസം ജഡേജ ഇന്ത്യന്‍ ടീമിനൊപ്പം 20 മിനിറ്റ് സജീവമായി പരിശീലനത്തില്‍ പങ്കെടുത്തിരുന്നു. ജഡേജയ്‌ക്ക് പരിക്കേറ്റതോടെ ആര്‍ അശ്വിനാണ് ഇന്ത്യക്കായി സ്‌പെഷലിസ്റ്റ് സ്പിന്നറെന്ന നിലയില്‍ കളിച്ചത്. ഒരു വിക്കറ്റ് വീഴ്‌ത്തി നന്നായി ബൗളിംഗ് കാഴ്ച വച്ചെങ്കിലും ബാറ്റിംഗില്‍ രണ്ട് ഇന്നിംഗ്‌സിലും നിരാശപ്പെടുത്തി. എന്നാല്‍ രണ്ടാം ടെസ്റ്റില്‍ ജഡേജ കളിക്കുമ്പോള്‍ അശ്വിനായിരിക്കില്ല പുറത്തു പോകുക എന്നും റിപ്പോര്‍ട്ടുണ്ട്.
രണ്ടാം ടെസ്റ്റില്‍ രണ്ട് സ്പിന്നര്‍മാരും മൂന്ന് പേസര്‍മാരുമായി ഇറങ്ങാനാണ് ഇന്ത്യയുടെ നീക്കമെന്നാണ് റിപ്പോര്‍ട്ട്. രണ്ട് സ്പിന്നര്‍മാരെ കളിപ്പിച്ചാല്‍ പേസര്‍മാരില്‍ ഷാര്‍ദ്ദുല്‍ താക്കൂറോ പ്രസിദ്ധ് കൃഷ്ണയോ പുറത്താകും. ആദ്യ ടെസ്റ്റില്‍ ഇരുവരും നിരാശപ്പെടുത്തിയിരുന്നു.
പ്രതികരിക്കാൻ ഇവിടെ എഴുതുക: