ബംഗളുരു : വിനോദയാത്രയ്ക്കിടെ അധ്യാപികയും വിദ്യാര്ത്ഥിയുമായുളള റൊമാന്റിക് ഫോട്ടോഷൂട്ട് സാമൂഹ്യമാധ്യമങ്ങളില് തരംഗമായി. ഇതിന് പിന്നാലെ സംഭവം വിവാദമായതിനെ തുടര്ന്ന് വിദ്യാഭ്യാസ വകുപ്പ് അധികൃതര് അന്വേഷണം തുടങ്ങി.
കര്ണാടകയിലെ ചിന്താമണി താലൂക്കിലെ മുരുഗമല്ല ഗ്രാമത്തിലെ സര്ക്കാര് ഹൈസ്കൂളിലെ 42 വയസുളള പ്രധാനാധ്യാപികയാണ് വിവാദത്തിലായത്. സ്കൂളിലെ പത്താം ക്ലാസ് വിദ്യാര്ത്ഥിയാണ് ഫോട്ടോഷൂട്ടിലെ നായകന്.
അധ്യാപിക വിദ്യാര്ത്ഥിയെ കെട്ടിപ്പിടിക്കുന്നതും ചുംബിക്കുന്നതും ഫോട്ടോകളില് കാണാം. വിദ്യാര്ത്ഥി അധ്യാപികയുടെ സാരി പിടിച്ച് വലിക്കുന്നതും ചുംബിക്കുന്നതും അധ്യാപികയെ എടുത്തുയര്ത്തുന്നതുമായ ചിത്രങ്ങളാണ് പുറത്തുവന്നിട്ടുളളത്.കുര്ത്തയും ജീന്സുമാണ് വിദ്യാര്ത്ഥി ധരിച്ചിരിക്കുന്നത്.
പ്രധാനാധ്യാപിക വിദ്യാര്ത്ഥിയുമായി പ്രണയരംഗങ്ങള് അനുകരിച്ച് ഫോട്ടോ ഷൂട്ട് നടത്തിയതില് വിമര്ശനം വ്യാപകമാണ്. ഇഴുകി ചേര്ന്നുളള രംഗങ്ങളുമുണ്ട്. സംഭവത്തില് ഉള്പ്പെട്ട വിദ്യാര്ത്ഥിയുടെ മാതാപിതാക്കള് വിദ്യാഭ്യാസ വകുപ്പിലെ മേലധികാരികള്ക്ക് പരാതി നല്കിയതിനെ തുടര്ന്നാണ് അന്വേഷണം തുടങ്ങിയത്.
ഡിസംബര് 22 മുതല് 25 വരെ ഹോരാനാട്, ധര്മ്മസ്ഥല, യാന എന്നിവിടങ്ങളിലേക്കായിരുന്നു സ്കൂളില് നിന്ന് വിനോദയാത്ര പോയത്.
