തിരുവനന്തപുരം : അച്ഛനും അമ്മയ്ക്കുമൊപ്പം സഞ്ചരിക്കവേ നിര്‍ത്തിയിട്ട ലോറിയില്‍ സ്‌കൂട്ടറിലിടിച്ച് ഏഴ് വയസ്സുകാരന്‍ മരിച്ചു. വിഴിഞ്ഞം കല്ലുവെട്ടാന്‍കുഴിയില്‍ വ്യാഴാഴ്ച രാവിലെയാണ് അപകടമുണ്ടായത്. കാവിന്‍പുറം നെല്ലിവിള സ്വദേശി സിബിന്‍ ദീപ ദമ്പതികളുടെ മകന്‍ ആരോണ്‍ ആണ് മരിച്ചത്.
അച്ഛനും അമ്മയ്‌ക്കും അഞ്ചുമാസം പ്രായമുള്ള സഹോദരിക്കുമൊപ്പം ബൈക്കില്‍ സഞ്ചരിക്കുകയായിരുന്നു ആരോണ്‍. നിയന്ത്രണം വിട്ട സ്‌കൂട്ടര്‍ റിങ് റോഡില്‍ നിര്‍ത്തിയിട്ടിരുന്ന ലോറിക്ക് പിന്നില്‍ ഇടിക്കുകയായിരുന്നു. സ്‌കൂട്ടറിന് മുന്നിലായിരുന്ന ആരോണിന് ആപകടത്തില്‍ ഗുരുതരമായി പരിക്കേറ്റിരുന്നു.
ആരോണിനെ ഉടന്‍ തന്നെ വിഴിഞ്ഞം സാമൂഹിക ആരോഗ്യ കേന്ദ്രത്തില്‍ എത്തിച്ചെങ്കിലും ജീവന്‍ രക്ഷിക്കാനായില്ല. അതേസമയം ആരോണിന്റെ ഒപ്പം ഉണ്ടായിരുന്ന അഞ്ചുമാസം പ്രായമുള്ള സഹോദരിയും മാതാപിതാക്കളും സാരമായ പരിക്കുകളൊന്നുമില്ല. പോസ്റ്റുമോര്‍ട്ടം നടപടികള്‍ക്കായി മൃതദേഹം മെഡിക്കല്‍ കോളേജ് ആശുപത്രിയിലേക്ക് മാറ്റി.
പ്രതികരിക്കാൻ ഇവിടെ എഴുതുക: