എന്റെ നല്ല സുഹൃത്ത്, ലക്ഷകണക്കിന് ജനഹൃദയം കവര്‍ന്ന ഇതിഹാസ നടന്‍; വിജയകാന്തിന്റെ വിയോഗത്തില്‍ അതീവ ദുഃഖം: പ്രധാനമന്ത്രി നരേന്ദ്രമോദി

ന്യൂദല്‍ഹി: വിജയകാന്തിന്റെ വിയോഗത്തില്‍ അതീവ ദുഃഖം രേഖപ്പെടുത്തി പ്രധാനമന്ത്രി നരേന്ദ്രമോദി. തമിഴ് സിനിമാ ലോകത്തെ ഇതിഹാസമായ അദ്ദേഹത്തിന്റെ മികവുറ്റ പ്രകടനങ്ങള്‍ ദശലക്ഷക്കണക്കിന് ആളുകളുടെ ഹൃദയമാണ് കവര്‍ന്നത്. ഒരു രാഷ്‌ട്രീയ നേതാവെന്ന നിലയില്‍, അദ്ദേഹം പൊതു സേവനത്തില്‍ അഗാധമായ പ്രതിജ്ഞാബദ്ധനായിരുന്നുവെന്നും പ്രധാനമന്ത്രി പറഞ്ഞു.

വിജസ്‌കാന്തിന്റെ പൊതുപ്രവര്‍ത്തനം തമിഴ്‌നാടിന്റെ രാഷ്‌ട്രീയ ഭൂപ്രകൃതിയില്‍ ശാശ്വതമായ സ്വാധീനം ചെലുത്തി. അദേഹത്തിന്റെ വിടവ് നികത്താനാകാത്ത ഒരു ശൂന്യതയാണ് അവശേഷിപ്പിക്കുന്നത്. അദേഹം ഒരു അടുത്ത സുഹൃത്തായിരുന്നു, വര്‍ഷങ്ങളായി വിജയ്‌കാന്തുമായുള്ള എന്റെ ഇടപെടലുകള്‍ ഞാന്‍ സ്‌നേഹപൂര്‍വ്വം ഓര്‍ക്കുന്നു. ഈ ദുഃഖസമയത്ത്, എന്റെ ചിന്തകള്‍ അദ്ദേഹത്തിന്റെ കുടുംബത്തോടും ആരാധകരോടും നിരവധി അനുയായികളോടുമൊപ്പവുമാണെന്നും നരേന്ദ്രമോദി എക്‌സിലെ പോസ്റ്റില്‍ കുറിച്ചു.

Extremely saddened by the passing away of Thiru Vijayakanth Ji. A legend of the Tamil film world, his charismatic performances captured the hearts of millions. As a political leader, he was deeply committed to public service, leaving a lasting impact on Tamil Nadu’s political… pic.twitter.com/di0ZUfUVWo

— Narendra Modi (@narendramodi) December 28, 2023

ഇന്നു രാവിലെയാണ് ഡിഎംഡികെ സ്ഥാപക അധ്യക്ഷനും നടനുമായ വിജയകാന്ത് (71) അന്തരിച്ചത്. കൊവിഡ് ബാധിതനായി ചികിത്സയിലിരിക്കെയാണ് അദേഹംത്തിന്റെ മരണം. എണ്‍പതുകളിലും തൊണ്ണൂറുകളിലും തമിഴ് സിനിമയില്‍ സൂപ്പര്‍താര പദവി കൈയളിയിരുന്ന വിജയകാന്തിനെ ക്യാപ്റ്റന്‍ എന്നാണ് ആരാധകര്‍ സംബോധന ചെയുന്നത്.

ഡിഎംഡികെ (ദേശീയ മുര്‍പോക്ക് ദ്രാവിഡ കഴകം) എന്ന രാഷ്‌ട്രീയ പാര്‍ട്ടിയുടെ സ്ഥാപക നേതാവായ അദ്ദേഹം രണ്ട് തവണ തമിഴ്‌നാട് നിയമസഭാംഗമായിരുന്നു. നിയമസഭയില്‍ പ്രതിപക്ഷ നേതാവുമായിരുന്നു. അനാരോഗ്യം മൂലം ഏറെക്കാലമായി സജീവ രാഷ്‌ട്രീയത്തില്‍ നിന്ന് അകന്നു നില്‍ക്കുകകയാണ് മരണം.