ബാസ്‌കറ്റ്‌ബോള്‍ ചാമ്പ്യന്‍ഷിപ്പിന് തുടക്കം

മഞ്ചേരി: നാല്‍പ്പത്തിയേഴാമത് സംസ്ഥാന ജൂനിയര്‍ ബാസ്‌കറ്റ്‌ബോള്‍ ചാമ്പ്യന്‍ഷിപ്പിന് തുടക്കമായി. ആദ്യ ദിനം നടന്ന വനിതാ മത്സരങ്ങളില്‍ കണ്ണൂര്‍, ആലപ്പുഴ, കോട്ടയം, കൊല്ലം, എറണാകുളം, കോഴിക്കോട് ടീമുകള്‍ വിജയിച്ചു.

വനിതകളില്‍ കൊല്ലം 47-41ന് തൃശൂരിനെ അട്ടിമറിച്ചു. മറ്റ്് മത്സരങ്ങളില്‍ കണ്ണൂര്‍ പാലക്കാടിനെയും (38-13) ആലപ്പുഴ ഇടുക്കിയെയും (49-13) കോട്ടയം തിരുവന്തപുരത്തെയും (53-33) എറണാകുളം മലപ്പുറത്തിനെയും (63-11) കോഴിക്കോട് പത്തനംതിട്ടയെയും (43-13) തോല്‍പ്പിച്ചു.

പുരുഷ വിഭാഗത്തില്‍ തിരുവനന്തപുരം, കാസര്‍കോട്, കോട്ടയം, എറണാകുളം ടീമുകളും വിജയം സ്വന്തമാക്കി. തിരുവനന്തപുരം 50-29ന് പാലക്കാടിനെയും കോട്ടയം 82-65ന് ഇടുക്കിയെയും എക്‌സ്ട്രാടൈംമിലേക്കു നീണ്ട മത്സരത്തില്‍ കാസര്‍കോട് 70-65ന് കൊല്ലത്തെയും എറണാകുളം 57-48ന്് കോഴിക്കോടിനെയും കീഴടക്കി വിജയം നേടി.

ഗവ. ബോയ്സ് എച്ച്എസ്എസിലെ ഫഌഡ് ലിറ്റ് ബാസ്‌ക്കറ്റ്ബോള്‍ കോര്‍ട്ടില്‍ നടക്കുന്ന മത്സരം അഡ്വ. യു.എ. ലത്തീഫ് ഉദ്ഘാടനം ചെയ്തു.