കൊടുങ്ങല്ലൂർ: നടൻ ദിലീപിന്റെ ഡി സിനിമ കൊടുങ്ങല്ലൂരില്‍ പുതിയ മള്‍ട്ടിപ്ലക്സ് തിയറ്റര്‍ തുറന്നു.. കൊടുങ്ങല്ലൂരിലെ മുഗൾ മാളിലാണ് ഡി സിനിമയുടെ പുതിയ മൾട്ടിപ്ലക്‌സ് തിയറ്റർ തുറന്നത്. മൂന്ന് സ്‌ക്രീനുകളാണ് ഉള്ളത്.
ഉദ്ഘാടനച്ചടങ്ങില്‍ നടന്‍ ദിലീപ് പ്രസംഗിച്ചു. “ഒരു തിയറ്റർ ആ നാടിന്റെ പ്രശസ്തിയും പുരോഗതിയും വിളിച്ചറിയിക്കുന്നതാണ്. കമലിന്റെ അസിസ്റ്റന്റായി സിനിമയിലേക്ക് എത്തിയ ശേഷം ഒരുപാട് കാലം താൻ കൊടുങ്ങല്ലൂരിൽ താമസിച്ചിട്ടുണ്ട്. പക്ഷെ ഇങ്ങനൊരു വ്യവസായവുമായി കൊടുങ്ങല്ലൂരിലേക്ക് എത്തുമെന്ന് അന്ന് കരുതിയില്ല.” – ദിലീപ് പറഞ്ഞു..
സംവിധായകൻ കമൽ ഉൾപ്പെടെയുളളവര്‍ നിലവിളക്ക് കൊളുത്തി മള്‍ട്ടിപ്ലക്സ് തിയറ്റർ ഉദ്ഘാടനം ചെയ്തു. മുൻസിപ്പൽ ചെയർപേഴ്‌സൺ ഗീത ടികെ, മുഗൾ മാൾ ഉടമകളായ മുഹമ്മദ് അലി, സിദ്ദിഖ് മുഹമ്മദ് അലി, ഡി സിനിമാ മാനേജർ വിനോയ് തുടങ്ങിയവർ പങ്കെടുത്തു.
പ്രതികരിക്കാൻ ഇവിടെ എഴുതുക: