കണ്ണൂര്: സിപിഎം സംസ്ഥാന സെക്രട്ടറി എം വി ഗോവിന്ദനെ അപകീര്ത്തിപ്പെടുത്തിയെന്ന കേസില് സ്വപ്ന സുരേഷ് ചോദ്യം ചെയ്യലിന് ഹാജരായി.കണ്ണൂര് ക്രൈം ബ്രാഞ്ച് ഓഫീസിലാണ് സ്വപ്ന ഹാജരായത്.
സിപിഎം തളിപ്പറമ്പ് ഏരിയ സെക്രട്ടറി സന്തോഷ് നല്കിയ കേസിലാണ് സ്വപ്ന ഹാജരായത്.കൊച്ചിയില് ഹാജരാകാന് അനുവദിക്കണമെന്ന് ആവശ്യപ്പെട്ട് സ്വപ്ന നല്കിയ ഹര്ജി നേരത്തെ ഹൈകോടതി തള്ളിയിരുന്നു. കേസില് അന്വേഷണ ഉദ്യോഗസ്ഥര് ആവശ്യപ്പെടുമ്പോള് ഹാജരാകണമെന്ന് ഹൈകോടതി സ്വപ്നയോട് ആവശ്യപ്പെട്ടിരുന്നു.
മുഖ്യമന്ത്രിക്കും കുടുംബത്തിനുമെതിരെയുള്ള ആരോപണങ്ങളില് നിന്ന് പിന്മാറിയാല് 30 കോടി രൂപ എം വി ഗോവിന്ദന് വാഗ്ദാനം ചെയ്തുവെന്ന്
സ്വപ്ന സുരേഷ് പറഞ്ഞിരുന്നു. ഇങ്ങനെ ചെയ്തില്ലെങ്കില് ജീവന് അപകടത്തിലാക്കുമെന്ന് കണ്ണൂരിലെ വിജേഷ് പിള്ള എന്നയാള് ഭീഷണി മുഴക്കിയെന്നും സ്വപ്ന സുരേഷ് ഫേസ്ബുക്ക് ലൈവില് പറഞ്ഞിരുന്നു.
