തിരുവനന്തപുരം: നവകേരളസദസ്സ് അവസാനിപ്പിച്ച് തലസ്ഥാനത്തെത്തിയെങ്കിലും ക്രിസ്മസിന് മുന്‍പ് പിണറായിയുടെ പെന്ഷന് കിട്ടിയില്ലെന്ന് മറിയക്കുട്ടി. അതേ സമയം സുരേഷ് ഗോപി വാഗ്ദാനം ചെയ്ത 1000 രൂപ ക്രിസ്മസിന് മു‍ന്‍പേ കിട്ടിയെന്നും മറിയക്കുട്ടി പറഞ്ഞു. മറിയക്കുട്ടിക്ക് മാത്രമല്ല, കൂടെയുള്ള അന്നക്കുട്ടിക്കും വാഗ്ദാനം ചെയ്തതു പോലെ സുരേഷ് ഗോപി ആയിരം രൂപ വീതം എത്തിച്ചു.
സുരേഷ് ഗോപിയുടെ പൈസ കിട്ടിയപ്പോള്‍ ക്രിസ്മസ് അടിച്ചുപൊളിച്ചെന്നും മറിയക്കുട്ടി. അഞ്ചുമാസമായി പെന്ഷന് മുടങ്ങിയപ്പോള്‍ മറിയക്കുട്ടി ഭിക്ഷാടനത്തിന് ഇറങ്ങിയത് വലിയ വാര്‍ത്തയായിരുന്നു. ഇതേ തുടര്‍ന്നാണ് ദേശാഭിമാനി ഉള്‍പ്പെടെ വ്യാജവാര്‍ത്തകളിലൂടെ മറിയക്കുട്ടിയുടെ സമരവീര്യം തകര്‍ക്കാന്‍ ശ്രമിച്ചിരുന്നു. എന്നാല്‍ ഇതിനെതിരെ ഹൈക്കോടതിയില്‍ പോരാടിയാണ് മറിയക്കുട്ടി പ്രതികാരം ചെയ്തത്. ഈ സമയത്താണ് സുരേഷ് ഗോപി മറിയക്കുട്ടിക്ക് ആയിരം രൂപ വീതം നല്‍കാമെന്ന് വാഗ്ദാനം ചെയ്തത്. പതിവുപോലെ സുരേഷ് ഗോപി ക്രിസ്മസിന് മുന്‍പ് തുക നല്‍കി വാക്ക് പാലിക്കുകയായിരുന്നു.
കേരളത്തിലെ പാവപ്പെട്ട പെന്‍ഷന്‍കാരായ പാവങ്ങള്‍ മുണ്ടുമുറുക്കിയെടുത്ത് ക്രിസ്മസ് രാവ് തള്ളിനീക്കുമ്പോള്‍ കൂര്‍ക്കയും മട്ടന്‍ മലബാറിക്കയും മപ്പാസുമൊക്കെയായിരുന്നു പൗരപ്രമുഖര്‍ക്കൊപ്പം മുഖ്യമന്ത്രി ക്രിസ്മസ് വിരുന്നിന് കഴിച്ചത്. “പട്ടിണികിടക്കാതെ പണം നല്‍കിയ സുരേഷ് ഗോപി എന്ന പൊന്നുമോന് ആശംസകള്‍”- മറിയക്കുട്ടി പറഞ്ഞു. വാക്കുപാലിക്കാത്ത മുഖ്യമന്ത്രിയെ ഒന്നുകില്‍ ചങ്ങലയിടണം അതല്ലെങ്കില്‍ ഇറങ്ങിപ്പോകണമെന്നും മറിയക്കുട്ടി പറഞ്ഞു.
പ്രതികരിക്കാൻ ഇവിടെ എഴുതുക: