‘ലാലേട്ടന് ആറാടുകയാണ്’ എന്ന ഒറ്റ ഡയലോഗിലൂടെ സോഷ്യല് മീഡിയയില് വൈറല് ആയ ആളാണ് സന്തോഷ് വര്ക്കി. നടൻ ബാലയും സന്തോഷ് വർക്കിയും തമ്മിലുള്ള പ്രശ്നങ്ങൾ വലിയ ചർച്ചകൾക്ക് വഴിയൊരുക്കിയിരുന്നു. ഇപ്പോഴിതാ ബാലയെ കുറിച്ചുള്ള സന്തോഷ് വർക്കിയുടെ പുതിയ വെളിപ്പെടുത്തൽ ചർച്ചയാവുകയാണ്. ദേഷ്യം വന്നാൽ ബാലയ്ക്ക് ഭ്രാന്താണ്, തന്നെ പട്ടിയെ തല്ലുന്ന പോലെ തല്ലിയിട്ടുണ്ട് എന്നാണ് സന്തോഷ് വർക്കി പറയുന്നത്. സാർക്ക് ലൈവിന് നൽകിയ അഭിമുഖത്തിലാണ് സന്തോഷ് വർക്കി ഇക്കാര്യങ്ങൾ പറയുന്നത്.
‘ബാല ആദ്യം സഹോദരനെ പോലെയായിരുന്നു. നല്ല ബന്ധമായിരുന്നു. അത് കഴിഞ്ഞ് ചില തെറ്റിദ്ധാരണകൾ വന്നു. ഇപ്പോൾ അത്ര നല്ല ബന്ധമല്ല. ഒരു തവണ പുള്ളി എന്നെ വിളിച്ച് ഫിസിക്കലി അസോൾട്ട് ചെയ്തു. അടിച്ചു. അത് കഴിഞ്ഞും ഞാൻ ബന്ധം വച്ചതാണ്. പക്ഷെ ഒരുപാടു പേർ പാര വെക്കുന്നുണ്ട്. എനിക്ക് പുള്ളിയോട് ദേഷ്യമില്ല. പുള്ളി ഭയങ്കര ഇമോഷണലായ വ്യക്തിയാണ്. ഓരോ സമയത്തും ഓരോ മൂഡാണ്.
സ്നേഹം വന്നാൽ ഭയങ്കര സ്നേഹം, ദേഷ്യം വന്നാൽ ഭയങ്കര ദേഷ്യം. വൈരാഗ്യം വന്നാൽ ഭയങ്കര വൈരാഗ്യം. അങ്ങനൊരു മനുഷ്യനാണ്. ഓരോ സാഹചര്യത്തിലും എങ്ങനെ പ്രതികരിക്കുമെന്ന് പറയാനാകില്ല. എടുത്തു ചാട്ടമുള്ളയാളാണ്. പ്രവചിക്കാൻ സാധിക്കുന്ന വ്യക്തിയാണ്. ബേസിക്കലി പാവമാണ്. പക്ഷെ പുള്ളിയുടെ കൂടെ പോകാനാകില്ല. പെട്ടെന്ന് ദേഷ്യപ്പെടും. ഇമോഷണലാണ്. അവസാനം വീട്ടിൽ പോയപ്പോഴാണ് എന്നെ അടിച്ചത്.
ഇനി പോയാൽ കടന്നുകയറ്റത്തിന് കേസ് ആക്കുമെന്ന് പറഞ്ഞു. അതിനാൽ ബർത്ത് ഡേയ്ക്ക് പോയില്ല. വിളിച്ചുവെങ്കിലും കിട്ടിയില്ല. അന്ന് വിളിച്ചപ്പോൾ ആദ്യമൊക്കെ മര്യാദയ്ക്കാണ് സംസാരിച്ചത്. പിന്നീട് കിച്ചണിലേക്ക് വിളിച്ചിട്ടാണ് ഇടി തന്നത്. എനിക്ക് വേണമെങ്കിൽ കേസ് കൊടുക്കാമായിരുന്നു. പക്ഷെ ബന്ധം കണക്കിലെടുത്ത് ഞാൻ കേസ് കൊടുത്തില്ല. ഒരുപാട് തെറ്റിദ്ധാരണയുണ്ട്. ചിലപ്പോൾ വൈലന്റാകും’ സന്തോഷ് വർക്കി പറഞ്ഞു.
