വാക്കുതർക്കം; മട്ടന്നൂരിൽ മദ്ധ്യവയസ്‌കനെ സഹോദര പുത്രൻ വെട്ടിക്കൊലപ്പെടുത്തി

കണ്ണൂർ: കണ്ണൂരിൽ മദ്ധ്യവയസ്‌കനെ ബന്ധു വെട്ടിക്കൊലപ്പെടുത്തി. മട്ടന്നൂർ കൊതേരിയിലാണ് സംഭവം. വണ്ണാത്തിക്കുന്ന് സ്വദേശി ഗിരീഷിനെയാണ് കൊലപ്പെടുത്തിയത്. സഹോദരന്റെ മകൻ ഷിഗിലാണ് ഗിരീഷിനെ കൊലപ്പെടുത്തിയത്. വാക്കുതർക്കമാണ് കൊലപാതകത്തിന് കാരണമെന്ന് പോലീസും പ്രദേശവാസികളും പറയുന്നു.

സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്. കൊലപാതകത്തിന് ശേഷം ഒളിവിൽ പോയ ഷിഗിലിന് വേണ്ടി പോലീസ് തിരച്ചിൽ ആരംഭിച്ചു.