ന്യൂദല്ഹി : ഏത് വിഷമ കാലത്തിനുമപ്പുറം നന്മയുടെ ഒരു നല്ല കാലം ഉണ്ടാകും, എന്ന സങ്കല്പത്തിന്റെ സാക്ഷാത്കാരമാണ് ക്രിസ്മസ്. ക്രിസ്തു പഠിപ്പിച്ച ശ്രേഷ്ഠമായ ഉപദേശങ്ങള് ഈ അവസരത്തില് നമുക്ക് ഓര്മ്മിക്കാമെന്നും പ്രധാനമന്ത്രി നരേന്ദ്രമോദി. രാഷ്ട്രപതി ദ്രൗപദി മുര്മുവും എക്സിലൂടെ ആശംസകള് അറിയിച്ചു.
എല്ലാവര്ക്കും ക്രിസ്മസ് ആശംസകള്. സന്തോഷത്തിന്റെ ഈ ഉത്സവം സ്നേഹത്തിന്റേയും ഐക്യത്തിന്റേയും കാരുണ്യത്തിന്റേയും സന്ദേശമാണ് പ്രചരിപ്പിക്കുന്നത്. ക്രിസ്തു പകര്ന്നുതന്ന പാഠങ്ങള് ഈ അവസരത്തില് ഓര്മ്മിക്കാം, ഒപ്പം എല്ലാവുരുടേയും ക്ഷേമത്തിനും സമൃദ്ധിക്കും വേണ്ടി ഒരുമിച്ചു പ്രവര്ത്തിക്കാം എ്ന്നായിരുന്നു രാഷ്ട്രപതിയുടെ ആശംസ.
ഈ ഉത്സവകാലം എല്ലാവര്ക്കും സന്തോഷവും സമൃദ്ധിയും സമാധാനവും നല്കട്ടെ. ഐക്യത്തിന്റേയും സഹാനുഭൂതിയുടേയും പ്രതീകമായ ക്രിസ്മസ് അതിന്റെ അന്തഃസത്ത ഉള്ക്കൊണ്ടുതന്നെ നമുക്ക് ആഘോഷിക്കാം, ഒപ്പം സന്തോഷകരവും ആരോഗ്യപൂര്ണ്ണവുമായ ഒരു ലോകത്തിനുവേണ്ടി നമുക്കെല്ലാവര്ക്കും പ്രവര്ത്തിക്കാം. ക്രിസ്തു പഠിപ്പിച്ച ശ്രേഷ്ഠമായ ഉപദേശങ്ങള് ഈ അവസരത്തില് നമുക്ക് ഓര്മ്മിക്കാമെന്നും പ്രധാനമന്ത്രി എക്സില് കുറിച്ചു.
