ന്യൂദല്‍ഹി : കനത്ത മൂടല്‍മഞ്ഞിനെ തുടര്‍ന്ന് ദല്‍ഹി, ഹൈദരാബാദ് വിമാനത്താവളങ്ങളുടെ പ്രവര്‍ത്തനം താറുമാറായി. മൂടല്‍ മഞ്ഞ് മൂലം വിമാനം പറത്തുന്നതിന് ബുദ്ധിമുട്ട് നേരിട്ടതിനെ തുടര്‍ന്ന് പല വിമാനങ്ങളും വഴിതിരിച്ചു വിട്ടിട്ടുണ്ട്.
9.4 ഡിഗ്രിയാണ് ദല്‍ഹിയിലെ ശരാശരി താപനില. ഇതിനെ തുടര്‍ന്ന് ദല്‍ഹിയിലെ വിമാനങ്ങള്‍ വഴി തിരിച്ചു വിട്ടിരിക്കുകയാണ്.യാത്രക്കാര്‍ മുന്‍കൂറായി ചെക്ക് ചെയ്ത് നോക്കണമെന്നും ദല്‍ഹി വിമാനത്താവള അധികൃതര്‍ അറിയിച്ചു. ഹൈദരാബാദ് വിമാനത്താവളത്തിന്റെ പ്രവര്‍ത്തനത്തെയും മൂടല്‍മഞ്ഞ് ബാധിച്ചിട്ടുണ്ട്.
ചില വിമാനങ്ങള്‍ തിരിച്ചുവിട്ടതായി വിസ്താര എയര്‍വേയ്‌സ് അറിയിച്ചു. ഹൈദരാബാദില്‍നിന്ന് ദല്‍ഹിയിലേക്കുള്ള ആറ് വിമാനങ്ങളാണ് വഴിതിരിച്ചുവിട്ടത്. ബെംഗളൂരുവില്‍നിന്ന് ഹൈദരാബാദിലേക്കുള്ള വിസ്താരയുടെ യുകെ 897 വിമാനം ബെംഗളൂരുവിലേക്കുതന്നെ തിരിച്ചുവിട്ടു. മുംബൈയില്‍ നിന്ന് ഹൈദരാബാദിലേക്കുള്ള യുകെ 873 വിമാനവും മോശം കാലാവസ്ഥയെ തുടര്‍ന്ന് തിരിച്ചുവിട്ടിട്ടുണ്ട്.
ദല്‍ഹിയിലെ വായുഗുണനിലവാരവും (എക്യുഐ) ആശങ്കാജനകമായ നിലയില്‍ തുടരുകയാണ്. ‘വളരെ മോശം’ വിഭാഗത്തിലാണ് നിലവിലെ വായുഗുണനിലവാരം. കേന്ദ്ര മലിനീകരണ നിയന്ത്രണ ബോര്‍ഡില്‍നിന്നുള്ള വിവരം പ്രകാരം ഡല്‍ഹിയിലെ നിലവിലുള്ള എക്യുഐ 400-ന് അടുത്താണ്.
പ്രതികരിക്കാൻ ഇവിടെ എഴുതുക: