പത്തനംതിട്ട : ബസ്സ് വിട്ടുകിട്ടിയതിന് പിന്നാലെ ചൊവ്വാഴ്ച മുതല് റോബിന് ബസ് വീണ്ടും സര്വ്വീസ് നടത്തി തുടങ്ങുമെന്ന് ബസ് ഉടമ. ബസ്സ് വിട്ടുകൊടുക്കാന് പത്തനംതിട്ട ജില്ലാ മജിസ്ട്രേറ്റ് ഉത്തരവിട്ടതിനെ തുടര്ന്നാണ് മോട്ടോര്വാഹന വകുപ്പ് ബസ് ഉടമയ്ക്ക് നല്കിയത്. ഒരു മാസത്തോളം കസ്റ്റഡിയില് വെച്ചശേഷം ആയിരുന്നു അത്.
പത്തനംതിട്ട – കോയമ്പത്തൂര് റൂട്ടിലാണ് റോബിന് ബസ് സര്വീസ് നടത്തുന്നത്. എന്നാല് നിയമലംഘനം ഉണ്ടായാല് കര്ശന നടപടി ഉണ്ടാകുമെന്ന് എംവിഡിയും പ്രതികരിച്ചിട്ടുണ്ട്്്. നിലവിലെ നിയമപ്രകാരം മാത്രം ബസിന് സര്വീസ് നടത്താമെന്നും അല്ലാത്തപക്ഷം നടപടി നേരിടേണ്ടി വരുമെന്ന് എംവിഡി അറിയിച്ചു.
കഴിഞ്ഞ മാസം 24 -ന് പുലര്ച്ചെയാണ് റോബിന് ബസ് എംവിഡി പിടിച്ചെടുത്തത്. ബസ് വിട്ടുകൊടുക്കാന് ശനിയാഴ്ച പത്തനംതിട്ട ജുഡീഷ്യല് മജിസ്ട്രേറ്റ് കോടതി ഉത്തരവിട്ടിരുന്നു. തുടര്ന്ന് ഉടമ അതുമായി പോലീസിനെ സമീപിച്ചശേഷം ഞായറാഴ്ചയാണ് എംവിഡി ബസ് വിട്ടുകൊടുക്കാന് തയ്യാറായത്. മോട്ടോര് വാഹന വകുപ്പ് ആദ്യം ബസ് വിട്ടുകൊടുത്തിരുന്നില്ല.
ഇതുവരെ നിയമം പാലിച്ചാണ് സര്വീസ് നടത്തിയതെന്നും ഇനിയും നിയമം പാലിച്ചായിരിക്കും സര്വീസ് നടത്തുകയെന്നും ഉടമ ഗിരീഷ് പറഞ്ഞു. എംവിഡി പിടിച്ചിട്ട ബസില് നിന്ന് പല വിലപിടിപ്പുള്ള സാധനങ്ങളും നഷ്ടമായിട്ടുണ്ട്. സ്വര്ണവും പണവുമാണ് നഷ്ടമായത്. അത് ബസിന്റെ സെക്കന്റ് ഡ്രൈവറുടേതായിരുന്നു. അതൊന്നും പരിശോധിക്കാന് ഉദ്യോഗസ്ഥര് സമ്മതിക്കുന്നില്ല. ഇതുമായി ബന്ധപ്പെട്ട് അടുത്ത കേസുമായി മുന്നോട്ട് പോകണം. അത്യാവശ്യ സാധനങ്ങള് എടുക്കാന് ഉദ്യോഗസ്ഥര് അനുവദിച്ചില്ല. മറ്റ് ബാഗുകളൊക്കെ അവിടെയുണ്ട്. വിലപിടിപ്പുള്ളവയാണ് നഷ്ടമായത്. എന്തായാലും ബുധനാഴ്ച സര്വീസ് തുടങ്ങുമെന്നും ഗിരീഷ് കൂട്ടിച്ചേര്ത്തു.
