പത്തനംതിട്ട: പെര്‍മിറ്റ് ലംഘനം ചൂണ്ടിക്കാട്ടി മോട്ടോര്‍ വാഹന വകുപ്പ് പിടിച്ചെടുത്ത റോബിന്‍ ബസ് ഉടമയ്‌ക്ക് വിട്ടു നല്‍കി. കോടതി ഉത്തരവിനെ തുടര്‍ന്നാണിത്. ഒരു മാസത്തിന് ശേഷമാണ് ബസ് വിട്ടുനല്‍കിയത്.
നിയമ ലംഘനത്തിന് പിഴയായി ചുമത്തിയ 82,000 രൂപ ഉടമ അടച്ചിരുന്നു.പിഴ ഒടുക്കിയാല്‍ ബസ് വിട്ടുനല്‍കണമെന്ന ഹൈക്കോടതി ഉത്തരവും പൊലീസ് കസ്റ്റഡിയില്‍ സൂക്ഷിച്ചാല്‍ വെയിലും മഴയുമേറ്റ് ബസിനു കേടുപാടുണ്ടാകുമെന്ന വാദവും പരിഗണിച്ചാണ് ബസ് വിട്ടുനല്‍കാന്‍ പത്തനംതിട്ട ജുഡീഷ്യല്‍ ഒന്നാം ക്ലാസ് മജിസ്‌ട്രേട്ട് കോടതി ഉത്തരവിട്ടത്.
മറ്റന്നാള്‍ വെളുപ്പിന് അഞ്ച് മണിക്ക് പത്തനംതിട്ടയില്‍ നിന്ന് കോയമ്പത്തൂരേക്ക് സര്‍വീസ് നടത്തുമെന്ന് ഉടമ ഗിരീഷ് അറിയിച്ചു. എന്നാല്‍ ഇതനുവദിക്കില്ലെന്ന നിലപാടിലാണ് മോട്ടോര്‍ വാഹന വകുപ്പ്. ഇക്കാര്യം കോടതിയെ അറിക്കുമെന്നും ബസുടമ പറഞ്ഞു.
പ്രതികരിക്കാൻ ഇവിടെ എഴുതുക: